மகிழ்திருமேனி இயக்கத்தில் நடிகர் அஜித் நடிப்பில் உருவாகி வரும் படம் விடாமுயற்சி. இந்த படத்தின் படப்பிடிப்பு அஜர்பைஜான் நாட்டில் அண்மையில் தொடங்கி தொடர்ந்து நடைபெற்று வருகிறது.
அஜித்துக்கு ஜோடியாக த்ரிஷா நடிக்கிறார். மேலும், நடிகை பிரியா பவானி சங்கர், நடிகர்கள் ஆரவ், அர்ஜுன் தாஸ் ஆகியோரும் நடிப்பதாகக் கூறப்படுகிறது.
இதையும் படிக்க: ஜிகர்தண்டாவைக் காணும் ஆசையில் கிளிண்ட் ஈஸ்ட்வுட் : உற்சாகத்தில் கார்த்திக் சுப்புராஜ்!
இந்நிலையில், இப்படத்தில் ஒளிப்பதிவாளராகப் பணியாற்றி வந்த நீரவ் ஷா திடீரென படப்பிடிப்பிலிருந்து விலகிக்கொண்டதாகவும் அவருக்குப் பதிலாக ஒளிப்பதிவாளர் ஓம் பிரகாஷ் இப்படத்தில் இணைந்துள்ளதாகவும் கூறப்படுகிறது.
அஜித்தின் விருப்பமான ஒளிப்பதிவளாராக இருப்பவர் நீரவ் ஷா. கிரீடம், பில்லா, நேர்கொண்ட பார்வை, வலிமை, துணிவு உள்ளிட்ட படங்களுக்கு ஒளிப்பதிவாளராக நீரவ் ஷா பணியாற்றியது குறிப்பிடத்தக்கது.
இதையும் படிக்க: போதை நெடியும், அடிதடி கதையும்: ஃபைட் கிளப் திரை விமர்சனம்