‘நடுவுல கொஞ்சம் பக்கத்த காணோம்’ படத்தின் மூலம் பிரபலமான நடிகை காயத்ரி. சூப்பர் டீலக்ஸ்’ படத்திலும் காயத்ரியின் நடிப்பு பாராட்டப்பட்டது. 2022இல் வெளியான மாமனிதன் படமும் விமர்சன ரீதியாக நல்ல வரவேற்பினை பெற்றது. லோகேஷ் கனகராஜ் இயக்கத்தில் வெளியான ‘விக்ரம்’ படத்தில் ஃபகத் பாசிலுக்கு ஜோடியாக நடித்திருந்தார். 

தற்போது பிரபுதேவாவுடன் ‘பஹீரா’ படத்தில் நடித்து முடித்துள்ளார். இந்தப்படம் மார்ச் 3ஆம்தேதி வெளியாக உள்ளது. 

மலையாளத்தில் முதன்முதலாக ’நான்தான் கேஸ் கொடு’ படத்தில் நடித்தார். இந்தப் படம் மிகப்பெரிய வரவேற்பினைப் பெற்றது. தற்போது இரண்டாவது மலையாள படத்தில் நடிக்க உள்ளார்.

தேசிய விருது பெற்ற இயக்குநர் பிரியதர்ஷன் இயக்கத்தில் நடிக்க உள்ளார். ஷேன் நிகம், டாம் சாகோ முக்கிய கதாபாத்திரங்களில் நடித்துள்ளார்கள். படத்திற்கு ’கரோனா பேப்பர்ஸ்’ எனப் பெயரிடப்பட்டுள்ளது.  

ஃபோர் பிரேம்ஸ் தயாரிப்பு நிறுவனம் இந்தப் படத்தினை தயாரித்துள்ளது. இந்தப் படத்தில் கிர்த்தி சுரேஷின் தந்தையும் நடிக்க உள்ளது குறிப்பிடத்தக்கது.