இந்த வாரம் ஓடிடியில் ஃபர்ஹானா, காதர்பாட்சா என்ற முத்துராமலிங்கம் உள்ளிட்ட பல்வேறு படங்கள் வெளியாகின்றன.

நடிகர் ஆர்யா, பிரபு, சித்தி இதானி நடிப்பில் வெளியான ‘காதர்பாட்சா என்ற முத்துராமலிங்கம் திரைப்படம்’ நாளை ஜி5 ஓடிடி தளத்தில் வெளியிடப்படும் என்று அறிவிக்கப்பட்டுள்ளது.

நடிகை ஐஸ்வர்யா ராஜேஸ் நடிப்பில் மே 12ஆம் தேதி திரையரங்குகளில் வெளியான ‘ஃபர்ஹானா’, சோனி லைவ் ஓடிடியில் நாளை வெளியாகிறது.

இதையும் படிக்க | தெலுங்கில் மாமன்னன்: வெளியீட்டுத் தேதி அறிவிப்பு

அதேபோல், நடிகர் சித்தார்த்தின் ‘டக்கர்’ திரைப்படம் நெட்ஃபிளிக்ஸ் தளத்திலும்,  சாண்டி மாஸ்டர், கெளதம் வாசுதேவ் நடித்த ‘3.33’ என்ற படம் ஆஹா தளத்திலும் நாளை வெளியாகிறது.

மேலும், ‘ஸ்வீட் காரம் காபி’ என்ற இணையத் தொடர் அமேசான் ப்ரைம் ஓடிடியில் இன்று வெளியாகிறது.