குட் நைட் ஓடிடி வெளியீட்டுத் தேதி அறிவிப்பு!

மணிகண்டனின் 'குட் நைட்' படத்தின் ஓடிடி ரிலீஸ் தேதி அதிகாரப்பூர்வமாக வெளியாகியுள்ளது.

அறிமுக இயக்குநர் விநாயக் சந்திரசேகரன் இயக்கிய 'குட் நைட்' படத்தில் 'ஜெய் பீம்' பட பிரபலம் மணிகண்டன் கதாநாயகனாக நடித்துள்ளார். 'முதல் நீ முடியும் நீ' பிரபலம் மேத்தி ரகுநாத் கதாநாயகியாக நடித்துள்ள இப்படத்தில் ரமேஷ் திலக், பகவதி பெருமாள் என்ற பக்ஸ், பாலாஜி சக்திவேல் மற்றும் ரேச்சல் ஆகியோர் முக்கிய வேடங்களில் நடித்துள்ளனர்.

குறட்டைப் பிரச்னையை மையமாக கொண்டு எடுக்கப்பட்டு திரைக்கு வந்த இப்படம் பெரும் வரவேற்பை பெற்றது. இன்னும் சில திரையரங்குகளில் படம் ஓடிக் கொண்டுள்ளது.

இதையும் படிக்க | லியோ படத்தின் மிரட்டலான போஸ்டர் வெளியீடு!

இந்நிலையில், குட் நைட் படம் வருகின்ற ஜூலை 3-ஆம் தேதி ஹாட்ஸ்டார் ஓடிடி தளத்தில் வெளியாகும் என்று அறிவிக்கப்பட்டுள்ளது.