‘எல்லாத்துக்கும் நன்றி அண்ணா’: லோகேஷ்-விஜய் புகைப்படம் வைரல்!

நடிகர் விஜய்-க்கு இயக்குநர் லோகேஷ் கனகராஜ் நன்றி தெரிவித்து வெளியிட்ட ட்வீட் வைரலாகி வருகின்றது.

நடிகர் விஜய், த்ரிஷா, சஞ்சய் தத், இயக்குநர் கெளதம் வாசுதேவ், மிஷ்கின் உள்ளிட்டோர் நடிக்கும் லியோ படத்தை லோகேஷ் கனகராஜ் இயக்கி வருகிறார்.

இந்த படத்தின் படப்பிடிப்பு தற்போது காஷ்மீரில் நடைபெற்று வருகின்றது. படப்பிடிப்பு தளத்தில் இருந்து அவ்வப்போது வெளியாகும் புகைப்படங்களால் ரசிகர்களிடம் எதிர்பார்ப்பு அதிகரித்துள்ளது.

இந்நிலையில், இயக்குநர் லோகேஷ் கனகராஜ் தனது 37-வது பிறந்த நாளை இன்று கொண்டாடி வருகிறார். அவருக்கு திரைத்துறையினர், ரசிகர்கள் பலர் வாழ்த்து தெரிவித்து வரும் நிலையில், நடிகர் விஜய்-க்கு நன்றி தெரிவித்து லோகேஷ் ட்வீட் செய்துள்ளார்.

இதையும் படிக்க | “எனது சகோதரனாக, மகனாக இருக்கும்”: லோகேஷுக்கு சஞ்சய் தத் வாழ்த்து!

நடிகர் விஜய்யுடன் காஷ்மீரில் எடுத்த புகைப்படத்தை பகிர்ந்துள்ள லோகேஷ், ‘எல்லாத்துக்கும் நன்றி விஜய் அண்ணா’ என்று பதிவிட்டுள்ளார்.

இதனைத் தொடர்ந்து விஜய்யுடன் லோகேஷ் இருக்கும் புதிய புகைப்படத்தை சமூக ஊடகங்களில் ரசிகர்கள் பகிர்ந்து வருகின்றனர்.