ஜீ தமிழ் தொலைக்காட்சியில் ஒளிபரப்பாகிவரும் தொடர்களில் முக்கியமான 4 தொடர்கள் வாரத்தின் அனைத்து நாள்களிலுமே ஒளிபரப்பாகவுள்ளன. 

மக்களிடம் கிடைத்த அதீத வரவேற்பு, டிஆர்பி காரணமாக சன் தொலைக்காட்சியில் ஏற்கெனவே எதிர்நீச்சல் உள்ளிட்ட தொடர்கள் வாரத்தின் அனைத்து நாள்களிலும் ஒளிபரப்பாகின்றன. 

தற்போது ஜீ தமிழும் சில முன்னணி தொடர்களை வாரத்தின் அனைத்து நாள்களுக்கும் ஒளிபரப்ப திட்டமிட்டுள்ளது. அதன்படி கார்த்திகை தீபம், அண்ணா, நினைத்தாலே இனிக்கும், மீனாட்சி பொண்ணுங்க ஆகிய நான்கு தொடர்களும் இனி ஞாயிற்றுக்கிழமையும் ஒளிபரப்பாகவுள்ளன. 

கார்த்திகை தீபம் தொடர் திங்கள் முதல் சனிக்கிழமை வரை இரவு 9 மணிக்கு ஒளிபரப்பாகிறது. இனி ஞாயிற்றுக்கிழமையும் ஒளிபரப்பாகவுள்ளது. 

நினைத்தாலே இனிக்கும் தொடர் இரவு 7.30 மணிக்கும், அண்ணா தொடர் இரவு 8.30 மணிக்கும், மீனாட்சி பொண்ணுங்க தொடர் இரவு 9.30 மணிக்கும் ஒளிபரப்பாகிறது. 

ஜீ தமிழ் தொலைக்காட்சியில் மக்களிடம் அதிக வரவேற்பைப் பெற்ற தொடர்கள் இவை. இவற்றின் டிஆர்பியும் ஜீ தமிழில் ஒளிபரப்பாகும் மற்ற தொடர்களைக் காட்டிலும் அதிகமாக உள்ளதால், ஞாயிற்றுக்கிழமையும் அவை ஒளிபரப்பாகவுள்ளன.