குக் வித் கோமாளி நிகழ்ச்சி பிரபலம் மணிமேகலைக்கு காலில் காயம் ஏற்பட்டுள்ளது.
விஜய் டிவியில் ஒளிபரப்பாகிய குக் வித் கோமாளி நிகழ்ச்சியின் அனைத்து சீசன்களிலும் பங்கேற்று ரசிகர்களிடையே பிரபலமானவர் தொகுப்பாளினி மணிமேகலை. இவர் சமூக ஊடகங்களில் எப்போதும் சுறுசுறுப்பாக இருப்பவர்.
சன் மியூசிக் தொலைக்காட்சியில் தொகுப்பாளினியாக இருந்து இளவட்ட ரசிகர்களை கவர்ந்த மணிமேகலை, பட்டிமன்ற பேச்சு மற்றும் லைவ் ஷோ நிகழ்ச்சிகளில் தற்போது கலக்கி வருகிறார்.
இந்த நிலையில் மணிமேகலை தனது இன்ஸ்டாகிராம் பக்கத்தில் காலில் கட்டுடன் இருக்கும் புகைப்படத்தை வெளியிட்டுள்ளார்.
அதில், "எதிர்பாராத விபத்தால் கீழே விழுந்ததில் காலில் காயம் ஏற்பட்டுள்ளது. எழுந்திருக்க முடியவில்லை. மனச்சோர்வுடன் இருக்கிறேன்" என்று பதிவிட்டுள்ளார்.
இதையும் படிக்க: வைரலாகும் ஜிகர்தண்டா - 2 படத்தின் முதல் பாடல்
மணிமேகலைக்கு காலில் ஏற்பட்டுள்ள காயம் விரைவில் குணமடைய வேண்டுமென்று, அவரது ரசிகர்கள் வாழ்த்துகளை தெரிவித்து வருகின்றனர்.