தமிழில் சீடன் படத்தின் மூலம் நடிகராக அறிமுகமானவர் உன்னி முகுந்தன். மலையாள நடிகரான இவர் தெலுங்கு படங்களிலும் நடித்துள்ளார். இவரது சமீபத்திய மாளிகப்புரம் திரைப்படம் ரூ.100 கோடி வசூலித்தது குறிப்பிடத்தக்கது. 

இதையும் படிக்க: லியோவுடன் மோதுகிறதா?: வெளியானது துருவ நட்சத்திரம் டிரைலர், ரிலீஸ் தேதி!  

இந்நிலையில் இவருக்கான மார்கெட் உயர்ந்துள்ளது. லிட்டில் பிக் பிலிம்ஸ் தயாரிக்கும் கந்தர்வா படத்தின் அறிமுக விடியோவை படக்குழு வெளியிட்டுள்ளது. இயக்குநர் பிரவீன் பிரபாஹாரம், சுஜின் சுஜதன் இணைந்து எழுதியுள்ள இப்படத்தினை அறிமுக இயக்குநர் விஷ்ணு அரவிந்த் இயக்குகிறார்.

இதையும் படிக்க: அமேசான் ப்ரைமில் விளம்பரமின்றி விடியோக்களை பார்க்க கூடுதல் கட்டணம்!

கந்தர்வரகளின் உலகம் என படக்குழு ஒரு விடியோவினை வெளியிட்டுள்ளது. மிகவும் பிரம்மாண்டமாக படம் உருவாகி வருகிறது என்பதன் அடையாளமாக இந்த விடியோ இருக்கிறது. ஜேக்ஸ் பிஜோய் இசையமைத்துள்ளார். 

மலையாளம், தமிழ், தெலுங்கு, கன்னடம், ஹிந்தி, ஆங்கிலம் என 6 மொழிகளிலும் விடியோ வெளியாகியுள்ளது.