’நாய் சேகர் ரிட்டன்ஸ்’ ஓடிடி வெளியீட்டுத் தேதி அறிவிப்பு

சுராஜ் இயக்கத்தில் நடிகர் வடிவேலு நடிப்பில் உருவாகியுள்ள ‘நாய் சேகர் ரிட்டன்ஸ்’ திரைப்படத்தின் ஓடிடி வெளியீட்டுத் தேதி அறிவிக்கப்பட்டுள்ளது.

நீண்ட இடைவேளைக்குப் பிறகு நாயகனாக நடிகர் வடிவேலு ‘நாய் சேகர் ரிட்டன்ஸ்’ படத்தின் மூலம் திரைக்கு வந்துள்ளார். அவரின் நகைச்சுவைக்காகவே காத்திருந்த ரசிகர்களுக்கு சரியான விருந்தைக் கொடுப்பாரா என்கிற எதிர்ப்பார்ப்புடன் இப்படம் வெளியாகி கலவையான விமர்சனங்களைப் பெற்றது.

இதையும் படிக்க: ஜன.11-ல் துணிவு?

இருப்பினும் சில நகைச்சுவைக் காட்சிகள் கைகொடுத்ததால் தோல்விப்படமாக மாறவில்லை.

இந்நிலையில், ‘நாய் சேகர் ரிட்டன்ஸ்’ திரைப்படம் நெட்ஃபிளிக்ஸ் ஓடிடியில் வருகிற ஜன.6 ஆம் தேதி வெளியாகும் என அறிவிக்கப்பட்டுள்ளது.