செய்திகள்

விற்பனைக்கு வந்த விஜய்யின் ரோல்ஸ் ராய்ஸ் கார்?

DIN

நடிகர் விஜய்யின் ரோல்ஸ் ராய்ஸ் கார் விற்பனைக்கு வந்துள்ளதாகத் தகவல் வெளியாகியுள்ளது.

நடிகர் விஜய் கோட் படத்தில் நடித்து வருகிறார். இப்படத்திற்குப் பின் தன் 69-வது படத்துடன் சினிமாவிலிருந்து விலகி முழுநேர அரசியலுக்கு வருவதையும் அறிவித்துள்ளார்.

சினிமாவில் தனக்கென பெரிய புகழும் வணிகமும் இருக்கும்போதே இம்முடிவை அவர் எடுத்துள்ளது பலருக்கும் ஆச்சரியமளித்துள்ளது. அரசியலுக்கு வந்தபின் அவர் குறித்த செய்திகளும் தகவல்களும் அடிக்கடி வெளியாகி வருகின்றன.

இந்த நிலையில், நடிகர் விஜய் பயன்படுத்தி வந்த ரோல்ஸ் ராய்ஸ் கார் விற்பனைக்கு வந்துள்ளதாகப் புதிய தகவல் வெளியாகியுள்ளது.

விஜய்யின் ரோல்ஸ் ராய்ஸ் கார்.

2012 ஆம் ஆண்டு வெளிநாட்டிலிருந்து இறக்குமதி செய்யப்பட்ட இந்த ரோல்ஸ் ராய்ஸ் கோஸ்ட் காருக்கு 132 சதவீதம் வரி விதிக்கப்பட்டிருந்தது. ஆனால், விஜய் இந்த வரியைச் செலுத்தாமல் வாகனத்தைப் பயன்படுத்தி வந்தார். இதனை அறிந்த நீதிமன்றம் வரியை அளிக்க உத்தரவிட்டதுடன் விஜய்க்கு ரூ.1 லட்சம் அபராதமும் விதித்து தீர்ப்பளித்தது.

தொடர்ந்து, பீஸ்ட் படப்பிடிப்பு தளத்தில் தன் காரைக் கொண்டு வந்து படக்குழுவினரை வைத்து ஓட்டினார். அந்த விடியோ வெளியாகி வைரலானது.

தற்போது, எம்பயர் ஆட்டோ என்கிற கார்களை விற்கும் நிறுவனம் மூலம் இந்தக் கார் ரூ. 2.5 கோடி ஆரம்ப விலையுடன் விற்பனைக்கு வந்துள்ளதாகக் கூறப்படுகிறது.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads

உடனுக்குடன் செய்திகளை அறிய தினமணி App பதிவிறக்கம் செய்யவும்.

விராட் கோலி சதம்; ரோஹித், கே.எல்.ராகுல் அரைசதம்; தென்னாப்பிரிக்காவுக்கு 350 ரன்கள் இலக்கு!

பணி அனுபவச் சான்றிதழ் வழங்க தாமதம்! நள்ளிரவுவரை முற்றுகையிட்ட 300 பேராசிரியர்கள்!

கரூா் துயர சம்பவம்: உயிரிழந்தவா்களின் குடும்பத்தினா்களிடம் 4-வது நாளாக சிபிஐ அதிகாரிகள் விசாரணை

அற்புதமான உணர்வு... ஸ்ரீ முகி

குளிர்கால கூட்டத்தொடரில் எஸ்ஐஆர் பற்றிய விவாதம் தேவை: அனைத்துக் கட்சிக் கூட்டத்தில் எதிர்க்கட்சிகள் வலியுறுத்தல்!

SCROLL FOR NEXT