தமிழில் விஜய், சூர்யா, சிவகார்த்திகேயன் போன்ற முன்னணி ஹீரோக்களுக்கு ஜோடியாக கமர்ஷியல் படங்களில் நடித்துவந்த கீர்த்தி சுரேஷுக்கு மறைந்த நடிகை சாவித்ரியின் வாழ்க்கை வரலாறான மகாநடி (நடிகையர் திலகம்) திரைப்படம் திருப்புமுனையாக அமைந்தது.

சமீபத்தில் மாரி செல்வராஜ் இயக்கத்தில் உதயநிதி ஸ்டாலினுக்கு ஜோடியாக நடித்த மாமன்னன் படம் வெளியாகி கலவையான விமரிசனங்களைப் பெற்றது.

நடிகை கீர்த்தி சுரேஷ் நடிப்பில் உருவாகியுள்ள படம் 'ரகு தாத்தா'. பிரபல எழுத்தாளர் சுமன் குமார் இப்படத்தை எழுதி இயக்கியுள்ளார்.

இப்படத்தில் எம். எஸ். பாஸ்கர், தேவதர்ஷினி, ரவீந்திர விஜய், ஆனந்த்சாமி, ராஜேஷ் பாலகிருஷ்ணன் உள்ளிட்டோர் பிரதான வேடங்களில் நடித்துள்ளனர்.

ஒய். யாமினி ஒளிப்பதிவு செய்திருக்கும் இந்தப் படத்திற்கு ஷான் ரோல்டன் இசையமைத்துள்ளார்.

ரகு தாத்தா திரைப்படம் சுதந்திர நாளான ஆக. 15 ஆம் தேதி வெளியாகவிருக்கிறது.

இதற்கான புரமோஷன் பணிகளில் ஈடுபட்டுவரும் கீர்த்தி சுரேஷ் தனியாளாக வேலை செய்து வருகிறார்.

இதன் ஒரு பாகமாக மதுரையில் சென்று புரமோஷன் செய்துள்ளார். அதன் விடியோவை தனது எக்ஸ் பக்கத்தில் பதிவிட்டு, “பாண்டிய நாட்டிலிருந்து உங்கள் கயல்விழி பாண்டியன்” எனக் கூறியுள்ளார்.