நடிகர் சந்தீப் கிஷன் கூலி படப்பிடிப்பில் இணைந்துள்ளதாகத் தகவல் வெளியாகியுள்ளது.

சன் பிக்சர்ஸ் தயாரிப்பில் நடிகர் ரஜினிகாந்த்தின் 171-வது படமாக கூலி உருவாகிறது. இப்படத்தை இயக்குநர் லோகேஷ் கனகராஜ் இயக்கி வருகிறார்.

படத்தின் படப்பிடிப்பு ஹைதராபாத்தை தொடர்ந்து சென்னையில் விறுவிறுப்பாக நடைபெற்று வருகிறது.

இதையும் படிக்க: இந்திய சினிமா வணிகத்தை மாற்றும் தெலுங்கு இயக்குநர்கள்!

கூலி திரைப்படத்தை அடுத்தாண்டு மே 1 ஆம் தேதி திரையரங்குகளில் வெளியிட தயாரிப்பு நிறுவனம் திட்டமிட்டுள்ளதாகக் கூறப்படுகிறது.

இந்த நிலையில், நடிகர் சந்தீப் கிஷன் கூலி படப்பிடிப்பில் இணைந்துள்ளதாகத் தகவல் வெளியாகியுள்ளது. லோகேஷ் கனகராஜின் முதல் படமான மாநகரம் படத்தில் நாயகனாக சந்தீப் கிஷன் நடித்திருந்தது குறிப்பிடத்தக்கது.