ரஜினிகாந்த் - மணிரத்னம் கூட்டணி உறுதியாகியுள்ளதாகத் தகவல்கள் வெளியாகியுள்ளன.

நடிகர் ரஜினிகாந்த் வேட்டையன் படத்திற்குப் பின் கூலி படத்தில் இணைந்தார். இப்படத்தின் படப்பிடிப்பு விறுவிறுப்பாக நடைபெற்று வருகிறது.

அதேநேரம், இயக்குநர் மணிரத்னம் நடிகர் கமல்ஹாசனை வைத்து தக் லைஃப் படத்தை எடுத்து முடித்துள்ளார். படத்தின் அடுத்தக்கட்ட பணிகள் ஆரம்பமாகியுள்ளன.

இதையும் படிக்க: சினிமாவில் 25 ஆண்டுகள்... இயக்குநர் பாலாவின் விழா அறிவிப்பு!

கூலிக்குப் பின் ஜெயிலர் - 2 படத்தில் நடிகர் ரஜினி இணைவார் என உறுதியான தகவல்கள் வெளியான நிலையில், நடிகர் ரஜினிகாந்த் - இயக்குநர் மணிரத்னம் கூட்டணி உறுதியானதாகவும் படத்தின் அறிவிப்பு ரஜினியின் பிறந்தநாளான டிச. 12 ஆம் தேதி வெளியாகும் எனத் தகவல் வெளியாகியுள்ளது.

அன்றைய நாளில் கூலி அப்டேட், ஜெயிலர் - 2 அறிவிப்புடன் மணிரத்னம் படத்திற்கான அறிவிப்பும் வெளியாகலாம் என எதிர்பார்க்கப்படுகிறது.

இதையும் படிக்க: கூலி படப்பிடிப்பில் அமீர் கான்!

தளபதி படத்திற்குப் பின் இக்கூட்டணி மீண்டும் இணையுமா என ரசிகர்கள் ஆவலுடன் காத்திருக்கின்றனர்.