சூர்யா - 45 படத்தில் பிரபல நடிகர்கள்!

சூர்யா - 45 படத்தில் பிரபல நடிகர்கள் இணைந்துள்ளனர்.

சூர்யாவின் 45-வது படத்தை ஆர். ஜே. பாலாஜி இயக்கி வருகிறார். படத்தின் படப்பிடிப்பு கோயம்புத்தூரில் விறுவிறுப்பாக நடைபெற்று வருகிறது.

இதில், த்ரிஷா, ஸ்சுவாசிகா, இந்திரன்ஸ், காளி வெங்கட் உள்ளிட்ட நடிகர்கள் நடித்து வருகின்றனர். படத்தை இயக்குவதுடன் ஆர். ஜே. பாலாஜியும் முக்கிய கதாபாத்திரத்தில் நடித்து வருவதாகத் தெரிகிறது.

இதையும் படிக்க: அரசு சொத்தை விலை பேசினேனா? இயக்குநர் விக்னேஷ் சிவன் விளக்கம்

இந்த நிலையில், நடிகர்கள் யோகி பாபு, நடராஜன் (நட்டி) மற்றும் சிவதா ஆகியோர் படத்தில் இணைந்துள்ளதாகத் தயாரிப்பு நிறுவனம் அறிவித்துள்ளது.

இப்படத்திலிருந்து இசையமைப்பாளர் ஏ. ஆர். ரஹ்மான் விலகியதால் புதிய இசையமைப்பாளராக சாய் அபயங்கரை அறிவித்துள்ளது குறிப்பிடத்தக்கது.