ஜிவி பிரகாஷ் குமார் நடித்துள்ள ரிபெல் படத்தின் சென்சார் குறித்த தகவல் வெளியாகியுள்ளது.

இசையமைப்பாளர் ஜி.வி.பிரகாஷ் குமார் 10-க்கும் மேற்பட்ட படங்களுக்கு இசையமைத்து வருகிறார். அதில் கேப்டன் மில்லர், டைகர் நாகேஸ்வர ராவ், வணங்கான் ஆகிய திரைப்படங்கள் வெளியாக உள்ளது.

இவர் கதாநாயகனாக நடித்து சமீபத்தில் வெளியான ‘அடியே’ திரைப்படம், கலவையான விமரிசனங்களைப் பெற்றது. 

இதனைத் தொடர்ந்து, அறிமுக இயக்குநர் நிக்கேஷ் இயக்கத்தில், ஸ்டுடியோ கிரீன் தயாரிக்கும் ரிபெல் படத்தில் ஜிவி பிரகாஷ் குமார் நடித்து முடித்துள்ளார்.  

இந்த நிலையில், ரிபெல் படத்துக்கு சென்சார் குழு யு/ஏ சான்றிதழை வழங்கியுள்ளது.  இப்படம் விரைவில் வெளியாகவுள்ளது.