கூலி படத்தில் சௌபின் சாகிர்?

கூலி திரைப்படத்தில் நடிகர் சௌபின் சாகிர் இணைந்துள்ளதாகத் தகவல் வெளியாகியுள்ளது.

சன் பிக்சர்ஸ் தயாரிப்பில் நடிகர் ரஜினிகாந்த்தின் 171 படமாக கூலி உருவாகிறது. இப்படத்தை இயக்குநர் லோகேஷ் கனகராஜ் இயக்கி வருகிறார்.

இதில் முக்கிய கதாபாத்திரத்தில் ஸ்ருதி ஹாசன், சத்யராஜ் உள்ளிட்டோர் நடிக்கின்றனர். படத்தின் படப்பிடிப்பு ஹைதராபாத்தில் துவங்கி நடைபெற்று வருகிறது.

இந்த நிலையில், மஞ்ஞுமெல் பாய்ஸ் திரைப்படத்தின் மூலம் தமிழக ரசிகர்களிடம் கவனம் பெற்ற பிரபல மலையாள நடிகர் சௌபின் சாகிர், கூலி படத்தில் முக்கிய கதாபாத்திரத்தில் நடிக்க உள்ளதாக புதிய தகவல் வெளியாகியுள்ளது.