ஜூலையில் கூலி படப்பிடிப்பு! எங்கு தெரியுமா?

சன் பிக்சர்ஸ் தயாரிப்பில் நடிகர் ரஜினிகாந்த்தின் 171 படமாக கூலி உருவாகிறது. இப்படத்தை இயக்குநர் லோகேஷ் கனகராஜ் இயக்கவுள்ளார்.

இப்படத்திற்கான நடிகர்களும் தேர்வு செய்யப்பட்டு வருகின்றனர். முக்கிய கதாபாத்திரத்தில் ஸ்ருதி ஹாசன், சத்யராஜ், அபிராமி உள்ளிட்டோர் நடிப்பதாகக் கூறப்படுகிறது.

தங்கத்தை மையமாகக் கொண்டு இப்படத்தின் பெயர் அறிவிப்பு டீசர் வெளியானது. இதனால், இப்படம் தங்கக் கடத்தல் பின்னணியில் ஆக்சன் திரைப்படமாக உருவாகும் என எதிர்பார்க்கப்படுகிறது.

இந்த நிலையில், இப்படத்தின் முதல்கட்ட படப்பிடிப்பு ஜூலை மாதத்தில் சென்னை அல்லது ஹைதராபாத்தில் துவங்கும் எனத் தகவல் வெளியாகியுள்ளது. கிட்டத்தட்ட ரூ.200 கோடி பட்ஜெட்டில் இப்படம் தயாரிக்கபடுவதால், பிரம்மாண்ட காட்சிகளை எடுக்க லோகேஷ் கனகராஜ் திட்டமிட்டுள்ளதாகவும் தகவல்!