ஏப்ரலில் துருவ நட்சத்திரம்?

கௌதம் வாசுதேவ்மேனன் இயக்கத்தில் விக்ரம் நடித்துள்ள படம் துருவ நட்சத்திரம். கௌதம் வாசுதேவ் மேனனின் ஒன்றாக என்டர்டெயின்மென்ட் நிறுவனம், எஸ்கேப் ஆர்டிஸ்ட் நிறுவனத்துடன் இணைந்து தயாரித்த இப்படம் கடன் பிரச்னையில் சிக்கி சில ஆண்டுகளாகத் திரைக்கு வராமல் இருக்கிறது.

இறுதியாக, கடந்த பிப்ரவரி மாதம் வெளியாக இருந்த நிலையில், நீதிமன்ற உத்தரவால் தேதி அறிவிக்கப்படாமல் மீண்டும் ஒத்திவைக்கப்பட்டது.

இந்நிலையில், இப்படத்தை ஏப்ரலில் திரைக்குக் கொண்டுவர கௌதம் மேனன் முயன்று வருவதாகத் தகவல் வெளியாகியுள்ளது.