சின்னத்திரை தொடரான சரவணன் மீனாட்சி மூலம் ரசிகர்களிடையே பிரபலமான கவின், பிக் பாஸ் நிகழ்ச்சியில் பங்கேற்று தனக்கென தனி ரசிகர்கள் கூட்டத்தை உருவாக்கினார்.

இதனைத் தொடர்ந்து, டாடா படத்தின் மூலம் கவின் பிரபலமடைந்தார். தற்போது, பியார் பிரேமா காதல் படத்தின் இயக்குநர் இளன் இயக்கத்தில் உருவான ‘ஸ்டார்’ படத்தில் நடித்துள்ளார்.

இப்படம், கடந்த மே.10 ஆம் தேதி எதிர்பார்ப்புகளுடன் திரையரங்குகளில் வெளியானது. ஆனால், படம் கலவையான விமர்சனங்களையே பெற்றது.

இந்த நிலையில், இப்படம் உலகளவில் ரூ.25 கோடி வரை வசூலித்ததாகத் தகவல் வெளியாகியுள்ளது.