சூர்யா நடிக்கும் பாலிவுட் படத்தின் பட்ஜெட் குறித்து தகவல் வெளியாகியுள்ளது.

நடிகர் சூர்யா கங்குவா திரைப்படத்தின் புரமோஷன் பணிகளில் தீவிரமாக ஈடுபட்டு வருகிறார். இந்தியா முழுக்க சுற்றுப்பயணம் மேற்கொண்டு பல மொழி ரசிகர்களிடமும் படத்தைச் சேர்ப்பதுடன் அதிக நேர்காணல்களில் கலந்துகொண்டு பல கேள்விகளுக்கும் பதிலளித்து வருகிறார்.

அப்படி, சமீபத்தில் அளித்த நேர்காணல் ஒன்றில், பாலிவுட் படத்தில் அறிமுகமாகிறீர்களா? எனக் கேள்வி கேட்கப்பட்டது.

இதையும் படிக்க: 3-வது பிளாக்பஸ்டர்... துல்கர் சல்மானின் லக்கி பாஸ்கர் வசூல்!

அதற்கு சூர்யா, “நான் நாயகனாக நடிக்கவுள்ள பாலிவுட் படத்தின் பேச்சுவார்த்தைகள் கடந்தாண்டிலிருந்து நடைபெற்று வருகின்றன. அதுதான் என் முதல் ஹிந்தி படமாக இருக்கலாம். அது என்ன படமென இங்கு பகிரமாட்டேன். தயாரிப்பு தரப்பிலிருந்து வருவதே சரியாக இருக்கும்” எனத் தெரிவித்தார்.

சூர்யா குறிப்பிட்ட திரைப்படம், ‘கர்ணா’ என்றும் இரண்டு பாகங்களாக உருவாகும் இப்படத்தின் பட்ஜெட் ரூ. 500 கோடி என்றும் தகவல்கள் தெரிவிக்கின்றன.