தெலுங்கில் வெளியாகி மிகப்பெரிய வெற்றியைப் பெற்ற பேபி திரைப்படம் ஹிந்தியில் ரீமேக்காக உள்ளதாகத் தகவல் வெளியாகியுள்ளது.

இயக்குநர் சாய் ராஜேஷ் இயக்கத்தில் நடிகர் விஜய் தேவரகொண்டாவின் தம்பி ஆனந்த் தேவரகொண்டா, வைஷ்ணவி, விராஜ் அஸ்வின் ஆகியோர் நடிப்பில் உருவான திரைப்படம் ‘பேபி’. 

காதலியால் ஏமாற்றத்துக்கு உள்ளாகும் நாயகனின் கதையாக உருவான இப்படம் கடந்தாண்டு ஜூலை 14 ஆம் தேதி தெலுங்கில் வெளியானது. 

ரூ.7 கோடியில் தயாரான ‘பேபி’ உலகளவில் ரூ.100 கோடிக்கும் மேல் வசூலித்து மிகப்பெரிய வெற்றிப்படமானது.

இதையும் படிக்க: அற்புதமான மனிதர்! ரஹ்மான் மீது அவதூறு பரப்பாதீர்கள்: சாய்ரா பானு

விஜய் தேவரகொண்டாவுக்கு ‘அர்ஜுன் ரெட்டி’ கைகொடுத்ததுபோல் ஆனந்த் தேவரகொண்டாவுக்கு ‘பேபி’ வெளிச்சத்தைக் கொடுத்தது.

இந்த நிலையில், பேபி படத்தை ஹிந்தியில் ரீமேக் செய்யவுள்ளதாகவும் நாயகனாக மறைந்த பிரபல பாலிவுட் நடிகர் இர்பான் கானின் மகன் பாபில் கான் நடிக்கவுள்ளதாகவும் தகவல்கள் தெரிவிக்கின்றன.

தெலுங்கில் இப்படத்தை இயக்கிய சாய் ராஜேஷ், ஹிந்தியிலும் படத்தை இயக்கவுள்ளதாகக் கூறப்படுகிறது.