பிளடி பெக்கர்: படத்தில் இடம்பெறாத பாடல் வெளியீடு!

இயக்குநர் நெல்சன் திலீப் குமார் கோலமாவு கோகிலா படத்தின் மூலம் இயக்குநராக அறிமுகமானார். அதன்பின் டாக்டர், பீஸ்ட், ஜெயிலர் உள்ளிட்ட வெற்றிப் படங்களை இயக்கினார்.

சமீபத்தில் நெல்சன் ‘ஃபிளமெண்ட் பிக்சர்ஸ்’ (filament pictures) என்கிற பெயரில் தயாரிப்பு நிறுவனம் துவங்கியுள்ளதாக அறிவித்திருந்தார்.

நெல்சன் தயாரிப்பில் முதல் படத்தில் நாயகனாக நடிகர் கவின் நடித்துள்ளார். இப்படத்திற்கு, ‘பிளடி பெக்கர்’ எனப் பெயரிடப்பட்டுள்ளது.

இயக்குநர் சிவபாலன் முத்துகுமார் எழுதி இயக்கும் இப்படத்துக்கு ஜென் மார்ட்டின் இசையமைக்கிறார். மேலும், இப்படத்தில் ரெடின் கிங்ஸ்லி பிரதான வேடத்தில் நடிக்கிறார்.

இந்தப் படத்தின் 2ஆவது பாடலை படக்குழு வெளியிட்டுள்ளது. ஆனால், இந்தப் பாடல் திரையரங்குகளில் வெளியாகாது என அறிவிக்கப்பட்டுள்ளது. படத்தின் புரமோஷனுக்காக மட்டுமே என்று கூறப்பட்டுள்ளது.

ஜென் மார்டின் இசையமைத்துள்ள இந்தப் பாடல் டிரெண்டிங்கில் இருக்கிறது.