கோட் திரைப்படத்தின் வசூல் லியோவின் வசூலை முறியடிக்கவில்லை.

நடிகர் விஜய் - வெங்கட் பிரபு கூட்டணியில் உருவான கிரேட்டஸ்ட் ஆஃப் ஆல் டைம் (கோட்) திரைப்படம் செப்.5ஆம் தேதி திரையரங்குகளில் பிரம்மாண்டமாக வெளியானது.

கோட் படம் திரைகளில் வெளியாகி முதல் நான்கு நாள்களில், ரூ. 288 கோடி வசூலித்துள்ளதாக படக்குழு தெரிவித்திருந்தது. இதனால், படம் மிகப்பெரிய வணிக வெற்றியைப் பெரும் என எதிர்பார்க்கப்பட்டது. ஆனால், அடுத்த சில நாள்களில் கடுமையான விமர்சனங்களைச் சந்தித்தது.

முக்கியமாக, கேரளம் மற்றும் ஆந்திரத்தில் சரியான வரவேற்பு கிடைக்கவில்லை. கோட் படத்தால் தெலுங்கு விநியோகஸ்தர்களுக்கு ரூ.13 கோடி நஷ்டம் ஏற்பட்டுள்ளதாகவும் கூறப்படுகிறது.

தேவரா வெளியீட்டு டிரைலர்!

மேலும், 13 நாள்களில் கோட் திரைப்படம் ரூ.413 கோடி வசூலித்துள்ளதாக படக்குழு அதிகாரபூர்வமாக அறிவித்துள்ளது. ஆனாலும், ரூ.600 கோடிக்கும் அதிகமாக வசூலித்த லியோவின் வசூலை முறியடிக்க முடியாது என்றே தெரிகிறது. ரூ. 400 கோடி பட்ஜெட்டில் உருவான கோட், அதே அளவிற்கான வசூலை மட்டுமே அடைந்திருப்பது ரசிகர்களிடம் அதிர்ச்சியையும் ஏற்படுத்தியுள்ளது.

செப். 27 ஆம் தேதி மெய்யழகன், தேவரா உள்ளிட்ட படங்கள் வெளியாவதால் கோட் திரைப்படத்தை முழுமையாக திரையரங்குகளிலிருந்து நீக்குவார்கள்.