நடிகர் அஜித்தின் அடுத்த படத்தை இயக்கும் இயக்குநர் குறித்து ரசிகர்களிடம் ஆர்வம் எழுந்துள்ளது.

விடாமுயற்சியின் தோல்வியைத் தொடர்ந்து நடிகர் அஜித் நடிப்பில் வெளியான குட் பேட் அக்லி திரைப்படம் ரசிகர்களைக் கவர்ந்ததுடன் மறுமுறை பார்ப்பதற்கான ஆவலையும் ஏற்படுத்தியதால் இப்படம் ரூ. 250 கோடிக்கும் அதிகமாக வசூலித்து அசத்தியது.

அதேநேரம், இந்த வெற்றிக் கொண்டாட்டங்கள் எதுவுமின்றி அஜித் அடுத்த கார் பந்தயத்துக்கு பயிற்சி எடுத்து வருகிறார்.

இந்த நிலையில், அஜித்தின் 64-வது படத்தை யார் இயக்குவார் என்கிற கேள்விகளும் வட்டமடித்து வருகின்றன. முதலில் இயக்குநர் கார்த்திக் சுப்புராஜ் இயக்கலாம் எனக் கூறப்பட்டது. ஆனால், அவர் வேறு திட்டத்தில் இருக்கிறாராம்.

இயக்குநர் வெங்கட் பிரபுவும் கதை சொன்னதாகக் கூறுகின்றனர். ஆனால், வெங்கட் நடிகர் சிவகார்த்திகேயனை வைத்து அடுத்த படத்தை எடுக்கிறாராம்.

இதற்கிடையே, இயக்குநர் ஷங்கர் தரப்பிலிருந்து அஜித்தை அணுகியதாகவும் ஒரு தகவல் உண்டு. மேலும், இயக்குநர் பிரசாந்த் நீல் உடன் அஜித் நடிக்க சம்மதம் தெரிவித்துவிட்டதாகவும் தகவல்கள் தெரிவிக்கின்றன. சுவாரஸ்யமாக, மீண்டும் ஆதிக் ரவிச்சந்திரன் இயக்கத்திலேயே அஜித் நடிக்கலாம் என்றும் பேசப்படுகிறது.

ஆனால், இவை எவையும் இன்னும் உறுதியாகாத தகவல்களாகவே நீடிப்பதால் ரசிகர்களிடம் பெரிய எதிர்பார்ப்பே நிலவுகிறது.

இதையும் படிக்க: சிவகார்த்திகேயனுக்கு ஜோடியாகும் பிரபல நடிகை?