இயக்குநர் நெல்சன் பிறந்தநாளில் ஜெயிலர் 2 படக்குழு புகைப்படங்களைப் பகிர்ந்துள்ளன.

நடிகர் ரஜினிகாந்த் கூலி திரைப்படத்தின் படப்பிடிப்பை முடித்துவிட்டு ஜெயிலர் - 2 படப்பிடிப்பில் உள்ளார். கூலி திரப்படம் ஆகஸ்ட் மாதம் திரைக்கு வருகிறது.

ஜெயிலர் -2 அடுத்தாண்டு பொங்கல் வெளியீடாகத் திரைக்கு வரலாம் என எதிர்பார்க்கப்படுகிறது.

இந்நிலையில், நெல்சன் பிறந்தநாளில் ரஜினி கேக் ஊட்டிய புகைப்படங்களை தயாரிப்பு நிறுவனம் எக்ஸ் தளத்தில் பகிர்ந்துள்ளது.

அந்தப் புகைப்படத்தில் ரஜினி, நெல்சன் உடன் நடிகர் யோகி பாபுவும் இருக்கிறார்.

முதல் பாகத்தில் ரஜினி - யோகி பாபு கூட்டணி நகைச்சுவை காட்சிகள் நன்றாக இருந்தன.

முதல் பாகத்தில் நடிகை தமன்னா ஆடிய பாடலும் மிகவும் வைரலானது. அனிருத் இசையில் படத்துக்கு மிகப்பெரிய பலமாக இருந்தது.

தற்போது, ஜெயிலர் - 2 படத்தின் படப்பிடிப்பு கேரளத்தில் விறுவிறுப்பாக நடைபெற்று வருகிறது. இதன் படப்பிடிப்பு டிசம்பர் இறுதிக்குள் நிறைவடையும் என ரஜினிகாந்த் தெரிவித்திருந்தார்.