பகவதி மறுவெளியீட்டுத் தேதி!

நடிகர் விஜய் நடித்த பகவதி திரைப்படம் மறுவெளியீடாகத் திரைக்கு வருகிறது.

நடிகர் விஜய் நடிப்பில் கடந்த 2002 ஆம் ஆண்டு வெளியான திரைப்படம் பகவதி. இயக்குநர் ஏ. வெங்கடேஷ் இயக்கிய இப்படத்தில் உணவக உரிமையாளாரன பகவதி (விஜய்) தன் தம்பியை நன்றாகப் படிக்க வைக்க வேண்டும் என்பதற்காக கடுமையாக உழைப்பார்.

ஆனால், அத்தம்பியை வில்லன் கொல்ல பிரச்னைகளைக் கண்டால் ஒதுங்கும் பகவதி, டான்னாக மாறுகிறார். பின், என்ன நடக்கிறது என்பதே படத்தின் கதை.

இதையும் படிக்க: தனுஷுக்கு ஜோடியாகும் மமிதா பைஜூ?

இப்படம் வெளியானபோது நடிகர் வடிவேலு மற்றும் விஜய்க்கு இடையேயான நகைச்சுவைக் காட்சிகள் பெரிதாக வரவேற்பைப் பெற்றன. ரூ. 4 கோடி பட்ஜெட்டில் உருவான இப்படம் வணிக ரீதியாகவும் வெற்றியைப் பெற்றது.

இப்படம் வெளியாகி 23 ஆண்டுகள் ஆன நிலையில் மீண்டும் திரையரங்குகளில் மார்ச் 21 ஆம் தேதி மறுவெளியீடு செய்வதாகத் தயாரிப்பு தரப்பு தெரிவித்துள்ளனர்.