நடிகர் கார்த்தியின் சர்தார் - 2 டீசர் விரைவில் வெளியாகிறது.

இயக்குநர் பி.எஸ். மித்ரன் இயக்கத்தில் நடிகர் கார்த்தி நடிப்பில் உருவான சர்தார் திரைப்படம் மிகப் பெரிய வெற்றியைப் பெற்றது. இதனைத் தொடர்ந்து இதன் இரண்டாவது பாகம் உருவாகி வருகிறது.

இதிலும் நடிகர் கார்த்தியே நாயகனாக நடிக்கிறார். முக்கிய கதாபாத்திரங்களில் நடிகர்கள் எஸ். ஜே. சூர்யா, மாளவிகா மோகனன், பிரியங்கா மோகன் உள்ளிட்டோர் நடிக்கின்றனர்.

இதையும் படிக்க: வீர தீர சூரன் 3-வது பாடல்!

படத்தின் படப்பிடிப்பு சென்னை, மைசூர் உள்ளிட்ட பகுதிகளில் விறுவிறுப்பாக நடைபெற்று வருகிறது.

இந்த நிலையில், 2.54 நிமிடம் கொண்ட இப்படத்தின் டீசர் சென்சார் செய்யப்பட்டுள்ளதாகவும் விரைவில் வெளியாகும் என்றும் தகவல்கள் தெரிவிக்கின்றன.