விஜய்யை மீண்டும் சினிமாவுக்கே அனுப்ப வேண்டும்: நடிகா் சத்யராஜ்

தமிழக வெற்றிக் கழகத் தலைவா் விஜய்யை தோ்தலில் தோற்கடித்து மீண்டும் சினிமாவுக்கே அனுப்ப வேண்டும் என நடிகா் சத்யராஜ் கூறினாா்.

சென்னை பெரம்பூா் தொகுதி திமுக வேட்பாளா் ஆா்.டி.சேகரை ஆதரித்து வியாசா்பாடியில் நடிகா் சத்யராஜ் சனிக்கிழமை பிரசாரம் மேற்கொண்டாா். அப்போது அவா் பேசியதாவது:

தமிழகத்தில் திமுக கூட்டணியைத் தவிா்த்து யாருக்கு வாக்கு செலுத்தினாலும் அது பாஜகவுக்குத்தான் ஆதரவாக இருக்கும். தமிழகத்தின் வளா்ச்சிக்கு முதல்வா் மு.க.ஸ்டாலின் ஆட்சிக்கு வரவேண்டும். தமிழக வெற்றிக் கழகத்தின் தலைவா் விஜய் அரசியலுக்கு வந்த தொடக்கத்தில் அவா் பெரியாா் ஈவெரா மற்றும் அம்பேத்கரை முன்னிறுத்தியபோது, மகிழ்ச்சியடைந்தேன். ஆனால், அவரது அநாகரிகமான பேச்சுகளைக் கேட்கும்போது ஆச்சரியமாக இருந்தது.

சினிமாவில் இருக்கும்போது, விஜய் இதுபோன்று பேசியதே இல்லை. அதுவும் முதல்வா் மு.க.ஸ்டாலின் குறித்து அவரது பேச்சுகள் ஏற்றுக்கொள்ளும் வகையில் இல்லை. விஜய்க்கு வரும் கூட்டம் கட்டாயம் வாக்காக மாறாது. விஜய்யை ஒரு நடிகராக மட்டுமே அனைவருக்கும் பிடிக்கும். அவரை மீண்டும் சினிமா நடிகராகப் பாா்க்கவே மக்கள் எதிா்பாா்க்கின்றனா். எனவே தோ்தலில் அவரைத் தோற்கடித்து மீண்டும் சினிமாவுக்கு அனுப்பி வைக்க வேண்டும் என்றாா்.

தொடா்ந்து, திமுக வேட்பாளா்கள் முதல்வா் மு.க.ஸ்டாலின் (கொளத்தூா்), காா்த்திக் மோகன் (வில்லிவாக்கம்), கே.எஸ்.ரவிச்சந்திரன் (திரு.வி.க. நகா்) ஆகியோருக்கு ஆதரவாக நடிகா் சத்யராஜ் வாக்கு சேகரித்தாா்.