சார்ஜாவில் கிளார்க், தட்டச்சர், ஓட்டுநர் பணியிடங்களுக்கு தகுதியும் விருப்பமும் அனுபவமும் உள்ளவர்களிடமிருந்து விண்ணப்பங்கள் வரவேற்கப்படுகின்றன.

இதுதொடர்பாக அயல்நாட்டு வேலைவாய்ப்பு நிறுவன நிர்வாக இயக்குநர் வெளியிட்ட செய்திக்குறிப்பில் கூறியிருப்பதாவது:

ஐக்கிய அரபு நாடுகளில் ஒன்றான சார்ஜாவுக்கு 30 முதல் 35 வயதுக்குட்பட்ட, ஐக்கிய அரசு குடியரசு ஓட்டுநர் உரிமம் எண்- 3 வைத்துள்ள, 2 இலகு ரக வாகன ஓட்டுநர்கள், உரிமம் எண்- 3 மற்றும் 6 வைத்துள்ள ஒரு பேருந்து ஓட்டுநர், உரிமம் எண்-7 மற்றும் 8 வைத்துள்ள 2 போர்க்லிப்ட் மற்றும் ஜேவிசி ஓட்டுநர்கள் உடனடியாக தேவைப்படுகின்றனர்.

மேலும், 21 முதல் 35 வயதுக்குள், பி.காம் தேர்ச்சி பெற்று கணக்கு பிரிவில் 8 ஆண்டுகளுக்கு மேல் அனுபவம் உள்ளவர்கள் 2 கிளார்க் மற்றும் தட்டச்சர்கள் பணிக்கு தேவைப்படுகின்றனர்.

இப்பணியிடங்களுக்கான தகுதி , அனுபவம், உள்ளிட்ட விவரங்களை www.omcmanpower.com என்ற இணையதளத்தில் தெரிந்துகொள்ளலாம்.

உரிய தகுதி இருப்பவர்கள், தங்கள் சுய விவரங்கள் அடங்கிய விண்ணப்பத்துடன், கல்வி, அனுபவம், பாஸ்போர்ட் நகல்கள், புகைப்படத்துடன், ‘ ஒருங்கிணைந்த வேலைவாய்ப்பு அலுவலக வளாகம், எண்.42, ஆலந்தூர் சாலை, கிண்டி தொழிற்பேட்டை, சென்னை- 600032’ என்ற முகவரியில் அமைந்துள்ள அயல்நாட்டு வேலைவாய்ப்பு நிறுவனத்திற்கு omcresum@gmail.com என்ற மின்னஞ்சல் முகவரிக்கு உடனடியாக அனுப்பி வைக்க வேண்டும்.

மேலும் விவரங்களுக்கு 044- 22502267, 22505886,08220634389 என்ற தொலைபேசி மற்றும் செல்பேசி எண்களில் தொடர்பு கொள்ளலாம் என்று தெரிவிக்கப்பட்டுள்ளது.