கோவை: விமானப்படையில் பயிற்றுநா் பணிக்கான ஆள்சோ்ப்பு முகாம் கோவை பாரதியாா் பல்கலைக்கழக உடற்கல்வித் துறை அரங்கில் அக்டோபா் 17 - 23 ஆம் தேதி வரை நடைபெறுகிறது.

இதுகுறித்து கோவை மாவட்ட ஆட்சியா் கு.ராசாமணி வெளியிட்டுள்ள அறிக்கை:

சென்னை, தாம்பரம் இந்திய விமானப்படை தோ்வு நிலையம் மூலம் விமானப்படையில் பயிற்றுநா் பணிக்கான ஆள்சோ்ப்பு முகாம் வரும் 17 ஆம் தேதி முதல் 23 ஆம் தேதி வரை கோவை பாரதியாா் பல்கலைக்கழகத்தில் நடைபெறுகிறது. இதில் தமிழகம், கேரளம், புதுச்சேரி, அந்தமான் நிக்கோபா் தீவுகள், லட்சத் தீவுகளை சோ்ந்த ஆண்கள் மட்டும் கலந்து கொள்ளலாம்.

கடந்த 1995 ஜூலை 19 முதல் 2000 ஜூலை 1 ஆம் தேதிக்குள் பிறறந்த பட்டதாரிகளும், 1992 ஜூலை 19, 2000 ஜூலை 1 ஆம் தேதிக்குள் பிறறந்த முதுநிலை பட்டதாரிகளும் இம்முகாமில் பங்கேற்கலாம். இளநிலைப் பிரிவில் ஆங்கிலம், இயற்பியல், உளவியல், வேதியியல், கணிதம், ஐ.டி., கணிப்பொறி அறிவியல், புள்ளியியல், பி.சி.ஏ. ஆகிய பிரிவுகளில் பி.எட். படிப்புடன் 50 சதவீத மதிப்பெண்களுடன் தோ்ச்சி பெற்றிருக்க வேண்டும்.

முதுநிலைப் பிரிவில் ஆங்கிலம், உளவியல், கணிதம், இயற்பியல், புள்ளியியல், கணிப்பொறி அறிவியல், ஐ.டி., எம்.சி.ஏ. ஆகிய பிரிவுகளில் பி.எட். படிப்புடன் குறைந்தபட்சம் 50 சதவீத மதிப்பெண்களுடன் தோ்ச்சி பெற்றிருக்க வேண்டும்.

இந்த ஆள்சோ்ப்பு முகாமில் பங்கேற்று வெற்றிபெறும் வகையில் மாவட்ட வேலைவாய்ப்பு மற்றும் தொழில்நெறி வழிகாட்டும் மைய வளாகத்தில் அக்டோபா் 9 ஆம் தேதி முதல் சிறப்பு வகுப்புகள் நடத்தப்படுகின்றன.

தகுதியுடைய விண்ணப்பதாரா்கள் விருப்பக் கடிதத்துடன் உரிய விவரங்களை கோவை மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் சமா்ப்பித்து பயிற்சி வகுப்புக்கு பெயரை பதிவு செய்துகொள்ளலாம். கூடுதல் விவரங்களுக்கு மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தை தொடா்புகொள்ளலாம்.