பணமதிப்பு இழப்பு நடவடிக்கை அறிவிக்கப்பட்ட பிறகு புதிய ரூபாய் நோட்டுகளை பல வண்ணங்களில் அச்சடித்து விநியோகம் செய்து வருகிறது ஆர்.பி.ஐ. முதலில் ரூ.2,000 மற்றும் ரூ.500 நோட்டுகள் அறிமுகம் செய்யப்பட்டன. அதைத் தொடர்ந்து ரூ.200 மற்றும் ரூ.50 நோட்டுகளும் விநியோகத்திற்கு வந்தன. இந்நிலையில், தற்போது புதிய ரூ.10 நோட்டுகளை ரிசர்வ் வங்கி அறிமுகம் செய்துள்ளது. புதிய ரூ.10 நோட்டில் இந்திய கலாச்சார பாரம்பரியத்தை முன்னிறுத்தும் வகையில், கோனார்க் சூரியக் கோவிலின் சின்னம் பொறிக்கப்பட்டுள்ளது.