இந்தியாவில் வெங்காய உற்பத்தி பாதிப்பு காரணமாக விலை உயர்ந்ததால், கடந்த 2 மாதங்களில் மட்டும், எகிப்தில் இருந்து 18 ஆயிரம் டன் வெங்காயத்தை மத்திய அரசு இறக்குமதி செய்துள்ளது.

மிகவும் சிவப்பு நிறத்தில் இருக்கும் எகிப்து வெங்காயங்கள், தற்போது இந்திய சந்தைகளில் இடம்பிடித்துள்ளன.

இது குறித்து எகிப்து நாட்டு ஏற்றுமதித் துறை அதிகாரி கூறுகையில், இந்தியாவுக்கு, கடந்த ஆகஸ்ட், செப்டம்பர் மாதத்தில் மட்டும் 18 ஆயிரம் டன் வெங்காயத்தை எகிப்தில் இருந்து ஏற்றுமதி செய்துள்ளோம் என்று தெரிவித்துள்ளார்.

இந்தியாவில், வெங்காயம் உற்பத்தியாகும் மாநிலங்களில், பருவம் தவறி பெய்த மழையின் காரணமக, வெங்காய உற்பத்தி பாதிக்கப்பட்டு, ஒரு கிலோ வெங்காயம் ரூ.60-70 வரை விற்கப்பட்டது குறிப்பிடத்தக்கது.