நடந்து முடிந்த குஜராத் மற்றும் ஹிமாச்சலப் பிரதேச சட்டப்பேரவைத் தேர்தல் முடிவுகளில் பாரதிய ஜனதா கட்சி அரிதிப் பெரும்பான்மை பெற்று ஆட்சியமைக்கிறது.

182 உறுப்பினர்களைக் கொண்ட குஜராத் சட்டப்பேரவைக்கு டிசம்பர் 9 மற்றும் 14–ந் தேதிகளில் இரு கட்டங்களாக தேர்தல் நடைபெற்றது. 89 தொகுதிகளுக்கு கடந்த 9–ந் தேதி நடைபெற்ற முதல் கட்ட தேர்தலில், 66.75 சதவீத வாக்குகள் பதிவானது. எஞ்சியுள்ள 93 தொகுதிகளுக்ககான இரண்டாவது கட்ட வாக்குப்பதிவில் 68.7 சதவீத வாக்குகள் பதிவானது.

மொத்தமுள்ள 182 தொகுதிகளுக்குகான முடிவுகள் அறிவிக்கப்பட்டன. 99 இடங்களில் வெற்றிபெற்று 6-ஆவது முறையாக பாஜக ஆட்சிமைக்கிறது. காங்கிரஸ் 77 இடங்களிலும், சுயேட்சைகள் 6 இடங்களிலும் வெற்றி பெற்றனர். 

அதேபோல 68 தொகுதிகளை கொண்ட ஹிமாச்சலப் பிரதேச சட்டப்பேரவைக்கு கடந்த நவம்பர் மாதம் 9-ஆம் தேதி ஒரே கட்டமாக வாக்குப்பதிவு நடந்தது.   

மொத்தமுள்ள 68 தொகுதிகளில் இரவு 9 மணி நிலவரப்பபடி முடிவுகள் அறிவிக்கப்பட்ட தொகுதிகளில் பாஜக 43 தொகுதிகளில் வெற்றி பெற்றுள்ளது. 1 இடத்தில் முன்னிலையில் இருக்கிறது.

காங்கிரஸ் கட்சி 19 தொகுதிகளில் வெற்றி பெற்று, 2 தொகுதிகளில் முன்னிலையில் உள்ளது. சுயேட்சைகள் 2 இடங்களில் வெற்றியுடன் 1 இடத்தில் முன்னிலைப் பெற்றுள்ளன. இதன் மூலம் அரிதிப் பெரும்பான்மைக்குத் தேவையான 35 இடங்களை பாஜக எளிதாகக் கடந்து வெற்றி பெற்றுள்ளது.