காஷ்மீரில் 6 பயங்கரவாதிகளை, பாதுகாப்புப் படையினர் சுட்டுக்கொன்றனர்.

காஷ்மீர் மாநிலம் பாராமுல்லா மாவட்டத்தில் உள்ள உரி பகுதியில் பயங்கரவாதிகள் சிலர் ஊடுருவி பதுங்கியுள்ளதாக பாதுகாப்புப் படையினருக்கு ரகசிய தகவல் கிடைத்தது. இதையடுத்து அந்தப் பகுதிக்கு விரைந்த பாதுகாப்புப் படையினர் தீவிர தேடுதல் வேட்டையில் ஈடுபட்டனர். 

அப்போது அங்கு பதுங்கியிருந்த பயங்கரவாதிகள், பாதுகாப்புப் படையினரை நோக்கி தாக்குதல் நடத்தினர். இதற்கு பாதுகாப்புப் படையினர் தரப்பிலும் பதிலடி கொடுக்கப்பட்டது. இருதரப்பினருக்கும் இடையே நடந்த இந்த சண்டையில் 6 பயங்கரவாதிகள் சுட்டுக் கொல்லப்பட்டனர். 

விசாரணையில் அவர்கள் ஜெய்ஷ் இ மொகமது இயக்கத்தை சேர்ந்த பயங்கரவாதிகள் என்பது தெரிய வந்துள்ளது. மேலும் பயங்கரவாதிகள் யாரேனும் பதுங்கியுள்ளார்களா என பாதுகாப்புப் படையினர் தொடர்ந்து தேடுதல் வேட்டையில் ஈடுபட்டுள்ளனர். இதனால் அப்பகுதியில் பதற்றமான சூழ்நிலை நிலவுகிறது.