அன்று சேதப்படுத்தப்பட்ட பெங்களூர் சாலைகள் இன்று வரை சீர் செய்யப்படவில்லை

சாலைகளின் வேகத்தடைகள் உடைத்து சமன்செய்யப்பட்டு, சாலைத் தடுப்புகள் அகற்றப்பட்டு 62 அடி உயர ஹனுமன் சிலையைக் கொண்டு செல்ல சேதப்படுத்தப்பட்ட பெங்களூர் சாலைகள் இன்னமும் சீர்செய்யப்படவில்லை.

ராம சைதன்யா வர்தினி அறக்கட்டளையால் உருவாக்கப்பட்டு வரும் 62 அடி உயரமுள்ள 750 டன் எடைகொண்ட ஹனுமன் சிலையை கடந்த ஏப்ரல் முதல் வாரம் டிரக்கில் கொண்டு செல்ல வசதியாக சாலைகளில் பல்வேறு மாற்றங்கள் செய்யப்பட்டன.

சிலையை கொண்டு சென்ற பிறகு, சாலையை சீரமைக்கும் பணியை அறக்கட்டளையே ஏற்றுக் கொள்வதாகக் கூறியிருந்தது.

ஆனால், ஹனுமன் சிலையைக் கொண்டு சென்று ஒரு மாத காலத்துக்கும் மேல் ஆகியும் சாலை இன்னமும் சீர் செய்யப்படவில்லை என்பது பொதுமக்களின் குற்றச்சாட்டாக உள்ளது.