பெங்களூரு: மதசார்பற்ற ஐக்கிய ஜனதா தள எம்எல்ஏக்களிடம் பேரம் பேசிய விடியோ உண்மையானது என்று நிரூபித்தால் அரசியலில் துறவறம் செல்லத் தயார் என்று கர்நாடக பாஜக தலைவர் கூறியுள்ளார்.

இன்று கர்நாடக சட்டப்பேரவையில் பட்ஜெட் தாக்கல் செய்ய வந்த கர்நாடக முதல்வர் குமாரசாமி, முன்னதாக செய்தியாளர்களை சந்தித்தார்.

அப்போது, கர்நாடக பாஜக தலைவர் எடியூரப்பா, மதசார்பற்ற ஐக்கிய ஜனதா தள எம்எல்ஏவின் மகனிடம் பேரம் பேசும் விடியோவையும் குமாரசாமி வெளியிட்டார்.

இது குறித்து பதிலளித்த எடியூரப்பா, குமாரசாமியின் குற்றச்சாட்டு அடிப்படை ஆதாரமற்றது என்று கூறியிருப்பதோடு, ஒருவேளை இந்த ஆடியோ உண்மையானது என்று நிரூபித்தால் நான் அரசியலில் இருந்தே துறவறம் செல்கிறேன் என்று குறிப்பிட்டார்.