ஒடிசாவில் மேலும் 7 பேருக்கு கரோனா: பாதிப்பு 118-ஐ எட்டியது

புவனேஸ்வர்: ஒடிசாவில் மேலும் ஏழு பேருக்கு கரோனா நோய்த் தொற்று பதிவாகியுள்ளதாக அந்த மாநில சுகாதாரத்துறை தெரிவித்துள்ளது. 

இந்தியாவில் கரோனா பாதிப்பும், பலியும் நாளுக்கு நாள் அதிகரித்துவரும் நிலையில், ஒடிசாவில் செவ்வாய்க்கிழமை இன்று காலை நிலவரப்படி மேலும் புதிதாக 7 பேருக்கு கரோனா தொற்று ஏற்பட்டுள்ளது. மொத்த பாதிப்பு எண்ணிக்கை 118-ஐ எட்டியுள்ளது. 

சமீபத்திய புள்ளிவிவரத்தின்படி, 37 பேர் குணமடைந்துள்ளனர். 80 பேர் சிகிச்சை பெற்று வருகின்றனர். ஒருவர் நோய்த் தொற்றுக்குப் பலியாகியுள்ளார். 

இந்நிலையில், கரோனா வைரஸுக்கு உலகளவில் 3,064,895 பேர் பாதிக்கப்பட்டுள்ளனர். அதேசமயம் அந்த வைரஸால் 2,11,609 பேர் பலியாகியுள்ளனர்.