ஜம்மு-காஷ்மீரில் மாவட்ட வளா்ச்சி கவுன்சிலின் (டிடிசி) 6-ஆம் கட்ட தோ்தல் ஞாயிற்றுக்கிழமை நடைபெற்றது. இதில் 51.5%-க்கும் அதிகமான வாக்குகள் பதிவாகின.
இதுதொடா்பாக ஜம்மு-காஷ்மீா் தோ்தல் ஆணையா் கே.கே.சா்மா கூறியது: 6-ஆம் கட்ட டிடிசி தோ்தல் ஜம்முவில் 17 இடங்கள், காஷ்மீரில் 14 இடங்கள் என மொத்தம் 31 இடங்களில் நடைபெற்றது. இந்த தோ்தலில் 51.5%-க்கும் அதிகமான வாக்குகள் பதிவாகின. இதில் ஜம்முவில் 68.56% வாக்குகளும், காஷ்மீரில் 31.55% வாக்குகளும் பதிவாகின. மொத்தம் 7.48 லட்சம் போ் வாக்களிக்க தகுதி பெற்றிருந்தனா் என்று தெரிவித்தாா்.
8 கட்டங்களாக டிடிசி தோ்தல் நடைபெறுகிறது. வரும் டிசம்பா் 22-ஆம் தேதி வாக்கு எண்ணிக்கை நடைபெறவுள்ளது.