எல்லையில் பாகிஸ்தான் ராணுவம் மீண்டும் அத்துமீறல்

ஜம்மு-காஷ்மீர் எல்லையில் பாகிஸ்தான் ராணுவம் இன்று மீண்டும் அத்துமீறித் தாக்குதல் நடத்தியுள்ளது. 

ஜம்மு-காஷ்மீர் மாநிலத்தில் சர்வதேச எல்லைக் கட்டுப்பாட்டு கோடு பகுதியில் போர் நிறுத்த ஒப்பந்தத்தை மீறி பாகிஸ்தான் ராணுவம் அடிக்கடி தாக்குதல் நடத்தி வருகிறது. இந்த நிலையில் பூஞ்ச் மாவட்டத்தில் உள்ள திக்வார் பகுதியில் இந்திய நிலைகளை குறிவைத்து பாகிஸ்தான் ராணுவம் இன்று திடீரென துப்பாக்கிச்சூடு நடத்தினார்கள். 

உடனே நமது ராணுவ வீரர்களும் பாகிஸ்தான் ராணுவத்தினருக்கு தக்கப் பதிலடி கொடுத்தனர். இந்த சண்டையில் யாருக்கும் எந்தவித காயமோ, சேதமோ ஏற்பட்டதாக தகவல் ஏதும் வெளியாகவில்லை. இருதரப்புக்கும் இடையே நடந்த சண்டையால் அந்தப் பகுதியில் பரபரப்பு நிலவுகிறது.