ரஷியாவில் புதிதாக 5,670 பேருக்கு கரோனா

ரஷியாவில் கடந்த 24 மணி நேரத்தில் புதிதாக 5,670 பேருக்கு கரோனா வைரஸ் நோய்த் தொற்று இருப்பது உறுதி செய்யப்பட்டுள்ளது. இதைத் தொடர்ந்து, ரஷியாவில் மொத்தம் பாதித்தோர் எண்ணிக்கை 10,79,519 ஆக உயர்ந்துள்ளது.

அங்கு புதிதாக தொற்று இருப்பது உறுதி செய்யப்பட்டவர்களில் 23.1 சதவிகிதத்தினருக்கு எவ்வித அறிகுறியும் இல்லை. 24 மணி நேரத்தில் மேலும் 132 பேர் பலியாகியுள்ளனர். இதைத் தொடர்ந்து, பலியானோரின் மொத்த எண்ணிக்கை 18,917 ஆக உயர்ந்துள்ளது. மேலும் 5,809 பேர் நோய்த் தொற்றிலிருந்து குணமடைந்துள்ளனர். இதுவரை மொத்தம் 8,90,114 பேர் குணமடைந்துள்ளனர்.

உலகளவில் அதிகம் பாதிக்கப்பட்டுள்ள நாடுகள் வரிசையில் ரஷியா தொடர்ந்து 4-வது இடத்தில் உள்ளது.