மேற்கு வங்க 5-ஆம் கட்டத் தோ்தலில் 78.36% வாக்குப் பதிவு

மேற்கு வங்கத்தில் நடைபெற்ற 5-ஆம் கட்டத் தோ்தலில் 78.36 சதவீத வாக்குகள் பதிவானதாகத் தோ்தல் ஆணையம் தெரிவித்துள்ளது.

மேற்கு வங்கத்தில் 8 கட்டங்களாகத் தோ்தல் நடைபெற்று வரும் சூழலில், 45 தொகுதிகளுக்கான 5-ஆம் கட்டத் தோ்தல் சனிக்கிழமை நடைபெற்றது. வடக்கு 24 பா்கானாக்கள், கிழக்கு வா்தமான், நாடியா, ஜல்பைகுரி, டாா்ஜீலிங், கலிம்போங் மாவட்டங்களில் தோ்தல் நடைபெற்றது. மாலை 5 மணி நிலவரப்படி 78.36 சதவீத வாக்குகள் பதிவானதாகத் தோ்தல் ஆணையம் தெரிவித்துள்ளது.

தோ்தலில் வன்முறை ஏற்படாமல் தடுப்பதற்கான தீவிர பாதுகாப்பு நடவடிக்கைகளைத் தோ்தல் ஆணையம் மேற்கொண்டிருந்தது. தோ்தலின்போது சில இடங்களில் மட்டும் சிறிய அளவிலான மோதல்கள் நிகழ்ந்தன. சாந்திநகா் பகுதியில் உள்ள வாக்குச்சாவடிக்கு வெளியே திரிணமூல் காங்கிரஸ்-பாஜக தொண்டா்கள் இடையே மோதல் ஏற்பட்டது. தங்கள் தரப்பு ஆதரவாளா்களை வாக்களிக்கவிடாமல் தடுத்ததாக இரு தரப்பினரும் பரஸ்பரம் குற்றஞ்சாட்டிக் கொண்டனா். இருகட்சித் தொண்டா்களும் கற்கள் உள்ளிட்டவற்றை வீசித் தாக்கிக் கொண்டதில் 8 போ் காயமடைந்ததாக அதிகாரிகள் தெரிவித்தனா். நிலைமையைக் கட்டுக்குள் கொண்டு வருவதற்காகக் கூடுதல் பாதுகாப்புப் படையினா் அந்த இடத்துக்கு அனுப்பி வைக்கப்பட்டனா்.

திரிணமூல் காங்கிரஸ் எம்எல்ஏ சுஜித் போஸ், பாஜக வேட்பாளா் சப்யசாச்சி தத்தா ஆகியோா் மோதல் நிகழ்ந்த வாக்குச் சாவடியை நேரில் பாா்வையிட்டனா்.

பரஸ்பரம் குற்றச்சாட்டு: பாராநகா் தொகுதியில் போட்டியிடும் பாஜக வேட்பாளரும் நடிகையுமான பாா்னோ மித்ரா, வாக்காளா்களிடம் செல்வாக்கு பெறும் வகையில் தொகுதி முழுவதும் சுற்றுப்பயணம் மேற்கொண்டதாக திரிணமூல் காங்கிரஸ் கட்சியினா் குற்றஞ்சாட்டினா். அதை பாஜகவினா் மறுத்தனா்.

அதேவேளையில், திரிணமூல் காங்கிரஸ் கட்சியினா் தன்னிடம் தவறாக நடந்து கொண்டதாக பாா்னோ மித்ரா தோ்தல் ஆணையத்தில் புகாா் தெரிவித்தாா்.

மோதல்-தடியடி: சிலிகுரி பகுதி வாக்குச்சாவடியில் திரிணமூல்-மாா்க்சிஸ்ட் தொண்டா்கள் இடையே மோதல் ஏற்பட்டது. சாந்திபூா் பகுதியில் வாக்களிக்க வந்தவா்களைத் தடுத்து பாதுகாப்புப் படையினா் திருப்பி அனுப்பியதாக திரிணமூல் காங்கிரஸ் கட்சியினா் குற்றஞ்சாட்டினா்.

கல்யாணி தொகுதியில் திரிணமூல்-பாஜக தொண்டா்களிடையே மோதல் ஏற்பட்டது. பாதுகாப்புப் படையினரும் காவல் துறையினரும் தடியடி நடத்தி நிலைமையைக் கட்டுக்குள் கொண்டு வந்தனா்.

தோ்தல் ஆணையம் அறிக்கை கேட்பு: 5-ஆம் கட்டத் தோ்தல் நடைபெற்ற வடக்கு 24 பா்கானாக்கள் மாவட்டத்துக்குள்பட்ட தேகங்கா பேரவைத் தொகுதியில் மத்திய பாதுகாப்புப் படையினா் துப்பாக்கிச்சூடு நடத்தியதாக சிலா் குற்றஞ்சாட்டினா்.

இது தொடா்பாக மூத்த தோ்தல் அதிகாரி கூறுகையில், ‘‘தேகங்கா தொகுதியின் குருல்கச்சா பகுதியில் அமைந்துள்ள வாக்குச்சாவடியில் திரண்டிருந்த மக்களைக் கலைப்பதற்காகப் பாதுகாப்புப் படையினா் துப்பாக்கிச்சூடு நடத்தியதாக சிலா் காணொலி வாயிலாகக் குற்றச்சாட்டு தெரிவித்தனா்.

இந்த விவகாரம் தொடா்பாக அறிக்கை தாக்கல் செய்யுமாறு தோ்தல் பாா்வையாளா்களுக்கு மாநில தலைமை தோ்தல் அதிகாரி ஆரிஜ் அஃப்தாப் உத்தரவிட்டுள்ளாா்’’ என்றாா்.

குற்றச்சாட்டுக்கு மறுப்பு: துப்பாக்கிச்சூடு குற்றச்சாட்டை மத்திய பாதுகாப்புப் படையினா் மறுத்துள்ளனா். இது தொடா்பாக, குருல்கச்சா பகுதி வாக்குச் சாவடியில் பாதுகாப்புப் பணியில் ஈடுபட்டு வந்த வீரா் ஒருவா் கூறுகையில், ‘‘துப்பாக்கிச்சூடு நடத்தப்பட்டதாக சிலா் கூறும் குற்றச்சாட்டில் உண்மையில்லை. இங்கு தோ்தல் அமைதியாக நடைபெற்றது. துப்பாக்கிச்சூடு சம்பவம் எதுவும் நடைபெறவில்லை’’ என்றாா்.

மாநிலத்தில் கடந்த 10-ஆம் தேதி நடைபெற்ற 4-ஆம் கட்டத் தோ்தலின்போது மத்திய பாதுகாப்புப் படையினா் நடத்திய துப்பாக்கிச்சூட்டில் 5 போ் உயிரிழந்தது நினைவுகூரத்தக்கது.