18 வயதுக்கு மேற்பட்டோருக்கு தடுப்பூசி: இன்று மாலை 4 மணி முதல் முன்பதிவு

18 வயதுக்கு மேற்பட்டோர் கரோனா தடுப்பூசி செலுத்திக்கொள்ள இன்று மாலை 4 மணி முதல் முன்பதிவு செய்யலாம் என்று மத்திய அரசு தகவல் தெரிவித்துள்ளது. 

நாட்டில் 18 வயதுக்கு மேற்பட்டோர் வருகிற மே 1 ஆம் தேதி முதல் கரோனா தடுப்பூசி செலுத்திக்கொள்ள அனுமதி வழங்கி மத்திய அரசு உத்தரவிட்டிருந்தது. இந்நிலையில், 18 வயதுக்கு மேற்பட்டோருக்கு கரோனா தடுப்பூசி முன்பதிவு இன்று மாலை 4 மணிக்குத் துவங்க இருப்பதாக அறிவிக்கப்பட்டுள்ளது. 

படிக்க: கரோனா மையம் தொடங்க மாநகராட்சியின் அனுமதி தேவையில்லை

cowin.gov.in/home என்ற இணையதளத்தில் கரோனா தடுப்பூசிக்கு முன்பதிவு செய்துகொள்ளலாம் என்று கூறப்பட்டுள்ளது.

முன்னதாக 18 வயதுக்கு மேற்பட்டோருக்கு கரோனா தடுப்பூசி முன்பதிவு ஏப்ரல் 28 ஆம் தேதி தொடங்கும் என்று கூறியிருந்த நிலையில் இன்று முன்பதிவு நேரம் அறிவிக்கப்பட்டுள்ளது.