அசாமி பாஜக பெரும்பான்மை பெற்று ஆட்சி அமைக்கும் என இந்தியா டுடே வெளியிட்டுள்ள தேர்தலுக்கு பிந்தைய கருத்துக்கணிப்பில் தெரிவித்துள்ளது. 

தமிழகம், புதுச்சேரி, கேரளம், அசாம், மேற்குவங்கத்தில் தேர்தலுக்கு பிந்தைய கருத்துக்கணிப்பு வெளியானது. தமிழகத்தில் 234, புதுச்சேரியில் 30, கேரளத்தில் 140, அசாமில் 126 தொகுதிகளில் தேர்தல் நடைபெற்றது.
 
2 வேட்பாளர்கள் மறைவால் மேற்கு வங்கத்தில் 294 தொகுதிகளில் 292 இடங்களில் தேர்தல் நடைபெற்றது. இதில் அசாம் மாநிலத்தில் பாஜக பெரும்பான்மை பெற்று ஆட்சி அமைக்கும் என இந்தியா டுடே, ஆக்சிஸ் மை இந்தியா இணைந்து வெளியிட்டுள்ள தேர்தலுக்கு பிந்தைய கருத்துக்கணிப்பில் தெரிவித்துள்ளது. 

இதன்படி அசாமில் பாஜக கூட்டணி 75-85, காங்கிரஸ் கூட்டணி 40-50, இதர கட்சிகள் 01-04 வரை தொகுதிகள் கைப்பற்றலாம் என்று தெரிவிக்கப்பட்டுள்ளது.