ஆந்திரத்தில் கடந்த 24 மணி நேரத்தில் 1,321 பேருக்கு கரோனா வைரஸ் தொற்று கண்டறியப்பட்டுள்ளது. 

இது தொடர்பாக மாநில சுகாதாரத் துறை வெளியிட்டுள்ள அறிக்கையில் தெரிவிக்கப்பட்டுள்ளதாவது,

ஆந்திரத்தில் ஒரு நாளில் மட்டும் புதிதாக 1,321 பேருக்கு கரோனா வைரஸ் தொற்று உறுதி செய்யப்பட்டுள்ளது. இதுவரை மொத்தமாக பாதிக்கப்பட்டோர் எண்ணிக்கை 20,10,566ஆக உயர்ந்துள்ளது.

இதையும் படிக்க | பள்ளிகள் திறப்பால் தடுப்பூசி செலுத்துவதில் சிக்கலா? தில்லி முதல்வர் விளக்கம்

கடந்த 24 மணிநேரத்தில் புதிதாக 19 பேர் உயிரிழந்தனர். இதனால் இதுவரை மொத்தமாக உயிரிழந்தோரின் எண்ணிக்கை 13,807ஆக அதிகரித்துள்ளது. கடந்த 24 மணி நேரத்தில் 1,499 பேர் குணமடைந்த நிலையில், இதுவரை மொத்தமாக 19,81,906ஆக அதிகரித்துள்ளது.

இதையும் படிக்க | ஆப்கன் விவகாரம்: சீனா, அமெரிக்கா பேச்சுவார்த்தை

கரோனாவால் பாதிக்கப்பட்டு பல்வேறு மருத்துவமனைகளிலும், வீடுகளிலும் 14,853 பேர் தற்போது சிகிச்சை பெற்று வருகின்றனர்.