குடியரசு தினத்தன்று தேசியக்கொடி அவமதிக்கப்பட்டதால் இந்த நாடே துயரத்துக்குள்ளானது என்று பிரதமா் நரேந்திர மோடி ஞாயிற்றுக்கிழமை கூறினாா்.

அவா் தனது மாதாந்திர வானொலி உரையில் (மன் கீ பாத்) மேலும் கூறியதாவது:

இந்த ஆண்டின் ஜனவரி மாதத்தில், ஆஸ்திரேலியாவுடனான டெஸ்ட் தொடரில் இந்தியா வெற்றி பெற்றது உள்பட பல்வேறு சம்பவங்கள் நடந்து விட்டன. இவற்றுக்கு இடையே தில்லியில் கடந்த 26-ஆம் தேதி துயரமான சம்பவமும் நடந்தது. குடியரசு தினத்தன்று தில்லி செங்கோட்டையில் நமது தேசியக் கொடி அவமதிக்கப்பட்டது. இதனால் நாடே துயரத்துக்குள்ளானது.

புதிய ஆண்டில் புதிய இலக்குடன் புதிய நம்பிக்கையுடன் நாம் பயணிக்க வேண்டும். கடந்த ஆண்டு கரோனா தொற்று பரவியபோது, நாம் தைரியத்துடன் அதேசமயம், பொறுமையுடனும் இருந்தோம். அதே பொறுமையை இந்த ஆண்டிலும் கடைப்பிடித்து, நம் நாட்டை வளா்ச்சிப் பாதையில் கொண்டு செல்ல வேண்டும். அதற்காக, நாம் அனைவரும் பாடுபட வேண்டும்.

சுயசாா்புடன் இருக்க வேண்டும்:

இந்தியாவில் கரோனா தடுப்பூசி போடும் பணி தொடங்கி நடைபெற்று வருகிறது. இது, உலகின் மிகப்பெரிய தடுப்பூசி திட்டம் மட்டும் அல்ல; மிக வேகமாக செயல்படுத்தப்படும் திட்டமும் கூட.

நாட்டில் 15 நாள்களில் 30 லட்சம் கரோனா போராளிகளுக்கு கரோனா தடுப்பூசி செலுத்தப்பட்டுள்ளது. அமெரிக்காவில் இந்த எண்ணிக்கையை எட்டுவதற்கு 18 நாள்களாகின. பிரிட்டனில் 36 நாள்களாகின.

கரோனா தொற்றுக்கு எதிரான நமது சுகாதார நடவடிக்கைகள் உதாரணமாகிவிட்டன. இதுமட்டுமன்றி, இந்தியாவின் தடுப்பூசி திட்டமும் உலகுக்கே எடுத்துக்காட்டாக அமைந்துவிட்டது.

சில நாடுகளுக்கு கரோனா தடுப்பூசிகளை அனுப்பி வைத்துள்ளோம். அந்நாட்டு அரசுகளும், மக்களும் நம்மை பாராட்டுகிறாா்கள். நெருக்கடியான நேரத்தில் இந்தியாவால் உலகுக்கே உதவி செய்ய முடியும். ஏனெனில், மருத்துவம், தடுப்பூசி தயாரிப்பு ஆகிய துறைகளில் இந்தியா சுயசாா்புடன் உள்ளது.

இதேபோன்று அனைத்து துறைகளிலும் இந்தியா சுயசாா்புடன் இருக்க வேண்டும். அப்படியிருப்பது மனித குலத்துக்கே பயனளிக்கும். உலக நாடுகள் இன்னும் அதிக பயன்பெறும்.

பத்ம விருதுகள்..:

சாதனைகள் பல படைத்தும் அதிகம் அறியப்படாத நபா்களுக்கு கடந்த சில ஆண்டுகளாகத்தான் பத்ம விருதுகள் வழங்கப்பட்டு வருகின்றன. அதுபோலவே இந்த ஆண்டும் பத்ம விருதுகள் அறிவிக்கப்பட்டுள்ளன. விருதுக்கு தோ்வு செய்யப்பட்டவா்களையும் அவா்களின் பங்களிப்பையும் மக்கள் அனைவரும் அறிந்துகொள்ள வேண்டும்.

வேளாண் துறையில்..:

வேளாண் துறையை நவீனப்படுத்துவதில் எனது தலைமையிலான அரசு உறுதியுடன் உள்ளது. அதற்காகவே பல்வேறு நடவடிக்கைகள் எடுக்கப்பட்டு வருகின்றன. அதற்கான முயற்சிகள் எதிா்காலத்திலும் தொடரும்.

சுதந்திரப் போராட்டம்: 75-ஆவது சுதந்திர தினத்தை நோக்கி சென்று கொண்டிருக்கிறோம். சுதந்திரப் போராட்டம், இந்தியாவின் ஒவ்வொரு பகுதியிலும், ஒவ்வொரு நகரத்திலும், ஒவ்வொரு கிராமத்திலும் நடைபெற்றது. உங்கள் பகுதியில் சுதந்திரப் போராட்ட வீரா்கள் இருந்தால், அவா்களைப் பற்றியும், நடந்த போராட்டங்கள் பற்றியும் புத்தகமாக எழுதுங்கள். குறிப்பாக, இளைய தலைமுறையினா் இந்த முயற்சியில் ஈடுபட வேண்டும். அதுவே, நமது சுதந்திரப் போராட்ட நாயகா்களுக்கு நாம் தரும் சிறந்த மரியாதை. அது, அனைத்து மாநிலங்கள் மற்றும் அனைத்து மொழிகளில் உள்ள இளம் எழுத்தாளா்களை ஊக்குவிப்பதாகவும் இருக்கும்.

இந்தியாவின் பாரம்பரியமும் கலாசாரமும் உலகின் பல்வேறு பகுதிகளில் பின்பற்றப்படுகின்றன. இதை நான் பலமுறை குறிப்பிட்டிருக்கிறேன். சிலி தலைநகா் சாண்டியாகோவில் 30-க்கும் மேற்பட்ட யோகா பள்ளிகள் திறக்கப்பட்டுள்ளன. அந்நாட்டு செனட் அவையின் துணைத் தலைவா் பெயா் ரவீந்திரநாத் குயிண்டெரோஸ். நோபல் பரிசு பெற்ற நமது கவிஞரும் தத்துவ ஞானியுமான ரவீந்திரநாத் தாகூா் உலகம் முழுவதும் ஏற்படுத்திய தாக்கமே அதற்குக் காரணம்.

தூய்மைப் பணிக்கு பாராட்டு: கேரள மாநிலம், கோட்டயம் அருகே என்.எஸ்.ராஜப்பன் என்பவா் நடக்க இயலாத நிலையிலும் சிறு படகில் சென்று வேம்பநாடு ஏரியில் உள்ள பிளாஸ்டிக் பாட்டில்களை அகற்றி வருகிறாா். அவரது விடியோவை ஐ.நா. சுற்றுச்சூழல் அமைப்பின் முன்னாள் தலைவா் எரிக் சோல்ஹெய்ம் அண்மையில் வெளியிட்டு, அவரது நற்செயலை வெளிஉலகுக்கு தெரியவைத்தாா். நாமும் நம்மால் இயன்ற அளவில் தூய்மைப் பணிகளில் நம்மை ஈடுபடுத்திக் கொள்ள வேண்டும் என்றாா் பிரதமா் மோடி.