தடுப்பூசி மையம் வரும் அனைவருக்கும் தடுப்பூசி: ராகுல் வலியுறுத்தல்

தடுப்பூசி மையம் வரும் அனைவருக்கும் கரோனா வைரஸ் நோய்த் தொற்றுக்கான தடுப்பூசி செலுத்த வேண்டும் என காங்கிரஸ் முன்னாள் தலைவர் ராகுல் காந்தி வலியுறுத்தியுள்ளார்.

இதுபற்றி சுட்டுரைப் பக்கத்தில் ராகுல் காந்தி பதிவிட்டுள்ளது:

"தடுப்பூசிக்கு இணையப் பதிவு போதாது. தடுப்பூசி மையம் வரும் அனைவருக்கும் தடுப்பூசி செலுத்த வேண்டும். இணையதளத்தை அணுக முடியாதவர்களுக்கும் உயிர் வாழ்வதற்கான உரிமை உள்ளது."

கரோனா தடுப்பூசி செலுத்திக்கொள்ள கோவின் இணையப் பதிவைக் கட்டாயமாக்கக் கூடாது என காங்கிரஸ் வலியுறுத்தி வருகிறது.