தில்லியில் புதிதாக 27 பேருக்கு கரோனா

தில்லியில் கடந்த 24 மணி நேரத்தில் புதிதாக 27 பேருக்கு கரோனா நோய்த் தொற்று இருப்பது உறுதி செய்யப்பட்டுள்ளது.

தில்லி கரோனா பாதிப்பு தரவுகள் வெளியாகியுள்ளன. கடந்த 24 மணி நேரத்தில் 55,537 பரிசோதனைகள் மேற்கொள்ளப்பட்டதில் 27 பேருக்கு மட்டுமே நோய்த் தொற்று இருப்பது உறுதி செய்யப்பட்டது. தொற்று பாதிப்பு இருப்பது உறுதி செய்யப்படும் விகிதம் 0.05 சதவிகிதம்.

இதையும் படிக்க | கேரளத்தில் புதிதாக 9735 பேருக்கு கரோனா தொற்று

மேலும் 76 பேர் நோய்த் தொற்றிலிருந்து குணமடைந்து வீடு திரும்பியுள்ளனர். நோய்த் தொற்றால் ஒரு உயிரிழப்புகூட பதிவாகவில்லை.

இதைத் தொடர்ந்து, மொத்தம் பாதித்தோர் எண்ணிக்கை 14,39,027 ஆக உயர்ந்துள்ளது. இதில் 14,13,590 பேர் நோய்த் தொற்றிலிருந்து குணமடைந்துள்ளனர். 25,088 பேர் பலியாகியுள்ளனர்.

இன்றைய நிலவரப்படி 349 பேர் இன்னும் நோய்த் தொற்றுக்கான சிகிச்சை பெற்று வருகின்றனர்.