புதுதில்லி:  நாட்டில் கடந்த  24 மணி நேரத்தில் புதிதாக 14,623 பேருக்கு கரோனா நோய்த்தொற்று உறுதி செய்யப்பட்டுள்ளது; 197 பேர் உயிரிழந்துள்ளனர். அதே நேரத்தில் 19,446 பேர் பாதிப்பில் இருந்து மீண்டுள்ளதாக மத்திய சுகாதார மற்றும் குடும்ப நல அமைச்சகம் தெரிவித்துள்ளது.  

மத்திய சுகாதாரத் துறை வெளியிட்டுள்ள அறிவிப்பில் கூறியிருப்பதாவது: நாட்டில் இன்று புதன்கிழமை காலை 9 மணி வரையிலான 24 மணி நேரத்தில் 14,623 பேருக்கு புதிதாக தொற்று பாதிப்பு உறுதி செய்யப்பட்டுள்ளது. இதனால் மொத்த கரோனா பாதிப்பு எண்ணிக்கை 3,41,08,996-ஆக உயா்ந்துள்ளது. 

இதையும் படிக்க | ஜெகன்மோகன் ரெட்டி குறித்து அவதூர் கருத்து எதிரொலி: தெலுங்குதேசம் கட்சி அலுவலகம் சூறை

19,446 பேர் தொற்றிலிருந்து குணமடைந்து வீடு திரும்பியுள்ளனர். இதுவரை மொத்தம் 3,34,78,247 பேர் குணமடைந்துள்ளனர். இதனால், நோய்த் தொற்றுக்கு சிகிச்சை பெற்று வருவோரின் எண்ணிக்கை 1,78,098-ஆக உள்ளது. 

கடந்த 24 மணி நேரத்தில் தொற்று பாதிப்புக்கு 197 பேர் உயிரிழந்தனர். இதனால், மொத்த கரோனா உயிரிழப்பு 4,52,651 ஆக அதிகரித்துள்ளது.  

இதையும் படிக்க | பொறியியல் பாடத்திட்டம் மாற்றம்: அண்ணா பல்கலை. தகவல் 

நாடு முழுவதும் செலுத்தப்பட்டுள்ள கரோனா தடுப்பூசியின் மொத்த எண்ணிக்கை 99,12,82,283 கோடியாக அதிகரித்துள்ளது. 

நாடு முழுவதும் கடந்த 24 மணி நேரத்தில் செவ்வாய்கிழமை மட்டும் 41,36,142 பேர் தடுப்பூசிகள் செலுத்தியுள்ளனர் சுகாதாரத்துறை பணியாளர்கள். 

இந்தியாவில் இதுவரை மொத்தம் 59,44,29,890 பரிசோதனைகளும், செவ்வாய்கிழமை மட்டும் 13,23,702 பரிசோதனைகள் மேற்கொள்ளப்பட்டுள்ளதாக ஐசிஎம்ஆர் தெரிவித்துள்ளது.