அன்புக்கு மிக்க நன்றி: சுற்றுப் பயணத்தின் முழு விடியோ வெளியிட்ட பிரதமர் மோடி 

புது தில்லி: குஜராத்தில் சுற்றுப் பயணத்தை நிறைவு செய்து தில்லி திரும்பிய பிரதமர் நரேந்திர மோடி, தனது சொந்த மாநில மக்களின் அன்புக்கு நன்றி தெரிவித்துக் கொண்டுள்ளார்.

குஜராத்தில் சுற்றுப் பயணம் செய்த பிரதமர் மோடி, தனது ஒட்டுமொத்த பயணத்தின் சிறிய விடியோ ஒன்றையும் டிவிட்டரில் பகிர்ந்துள்ளார்.

குஜராத்தில் இந்த ஆண்டு இறுதியில் பேரவைத் தோ்தல் நடைபெறவுள்ளது. இந்நிலையில், இம் மாநிலத்துக்கு இரண்டு நாள் பயணமாக சனிக்கிழமை வந்த பிரதமா் மோடி, கட்ச் மாவட்டத்தில் சுமாா் ரூ.4,400 கோடி மதிப்பிலான திட்டங்களுக்கு ஞாயிற்றுக்கிழமை அடிக்கல் நாட்டினாா். புதிய திட்டங்களையும் தொடங்கி வைத்த அவா், பின்னா் ஒரு பேரணியில் பங்கேற்றுப் பேசினார்.

இதையும் படிக்க.. ஆசிரியர் இல்லா கேந்திரிய வித்யாலயா பள்ளிகள்: தமிழகத்துக்கு முதலிடம்

குஜராத்தில் இயற்கைப் பேரிடா்கள் ஏற்படும்போதெல்லாம் உள்நாட்டிலும் உலக அளவிலும் குஜராத்தின் நற்பெயரைக் கெடுக்க சதி நடக்கிறது. இம் மாநிலத்துக்கான முதலீடுகளைத் தடுக்க மீண்டும் மீண்டும் முயற்சிகள் மேற்கொள்ளப்படுகின்றன. ஆனால், அவற்றைப் புறக்கணித்துவிட்டு, குஜராத் புதிய வளா்ச்சிப் பாதையில் பயணிக்கிறது என்று கூறினார்.

பிரம்மாண்ட நினைவிடம்
குஜராத்தின் கட்ச் பகுதியில் கடந்த 2001-இல் ஏற்பட்ட நிலநடுக்கத்தில் சுமாா் 13,000 போ் உயிரிழந்தனா். பெரிய அளவில் பொருள் சேதங்கள் ஏற்பட்டன. இந்தப் பேரழிவில் இருந்து மீண்டு வந்த மக்களின் மனவலிமைக்கு பெருமை சோ்க்கும் வகையில், புஜ் அருகேயுள்ள புஜியோ மலைப் பகுதியில் ‘ஸ்மிருதி வனம்’ என்ற பெயரில் 470 ஏக்கரில் பிரம்மாண்ட நினைவிடம் அமைக்கப்பட்டுள்ளது.

இதில், நிலநடுக்கத்தில் உயிரிழந்தோரின் பெயா்களும் நிலநடுக்கத்துக்குப் பிறகு கட்ச் பகுதியை கட்டியெழுப்பிய வெற்றிக் கதைகளும் இடம்பெற்றுள்ளன. 5டி தொழில்நுட்பத்தின் மூலம் நிலநடுக்கத்தின் உணா்வை அளிக்கக் கூடிய சிறப்பு அரங்கம், நிலநடுக்கம் தொடா்பான அறிவியல் தகவல்கள், வானியல் நிகழ்வுகளுக்கு பின்னணியில் உள்ள அறிவியல் உள்ளிட்டவற்றைக் காட்சிப்படுத்தும் அதிநவீன அருங்காட்சியகம் என பாா்வையாளா்களைக் கவரக் கூடிய பல்வேறு அம்சங்கள் உள்ளன. இந்த நினைவிடத்தை பிரதமா் மோடி திறந்துவைத்து பாா்வையிட்டாா். 

உற்சாக வரவேற்பு

முன்னதாக, புஜ் பகுதியில் சுமாா் 3 கி.மீ. தொலைவுக்கு காரில் பிரதமா் மோடி ஊா்வலமாக சென்றாா். அப்போது, சாலையின் இருபுறத்திலும் திரண்டிருந்த ஆயிரக்கணக்கான மக்கள் அவருக்கு உற்சாக வரவேற்பு அளித்தனா்.

அடுத்த 25 ஆண்டுகளில் எரிசக்தித் துறையில் தன்னிறைவு

அடுத்த 25 ஆண்டுகளில் எரிசக்தித் துறையில் தன்னிறைவு பெற்ற நாடாக மாற இந்தியா தீா்மானித்துள்ளதாக பிரதமா் மோடி தெரிவித்தாா்.

இந்தியாவில் சுஸுகி மோட்டாா் நிறுவனத்தின் 40-ஆவது ஆண்டையொட்டி காந்திநகரில் ஞாயிற்றுக்கிழமை நடைபெற்ற நிகழ்ச்சியில் பேசுகையில் அவா் இவ்வாறு கூறியிருந்தார்.

‘எரிசக்தி துறையில் தன்னிறைவை எட்டும் இலக்கை அடைய, போக்குவரத்துத் துறையில் கவனம் செலுத்தப்பட வேண்டும். மின்சார இருசக்கர வாகனங்கள், நான்கு சக்கர வாகனங்கள் சப்தம் எழுப்புவதில்லை. அவை நாட்டில் அமைதிப் புரட்சியை நிகழ்த்திக் கொண்டிருக்கின்றன’ என்றாா் பிரதமா் மோடி.

இந்த நிகழ்ச்சிகளின் ஒருங்கிணைந்த விடியோவை இணைத்திருக்கும் பிரதமர் மோடி, குஜராத் மக்கள் தன் மீது வைத்திருக்கும் அன்புக்கு நன்றி தெரிவித்துக் கொண்டுள்ளார்.