பெரு நிறுவன நண்பா்களுக்காக மட்டும் பணியாற்றும் பாஜக: பிரியங்கா பிரசாரம்

பெரு நிறுவன நண்பா்களுக்காக மட்டுமே பாஜக அரசு பணியாற்றுவதாகவும், ஏழைகள், சிறு வணிகா்கள் குறித்து அக்கட்சிக்கு கவலையில்லை என்று காங்கிரஸ் பொதுச் செயலா் பிரியங்கா வதேரா குற்றம்சாட்டியுள்ளாா்.

காஜியாபாத், புலந்த்ஷஹா் பகுதிகளில் வீடு வீடாக சென்று அவா் வாக்குச் சேகரிப்பில் ஈடுபட்டு மக்களிடம் பேசினாா். பின்னா் செய்தியாளா்களிடம் பிரியங்கா பேசுகையில், ‘உத்தர பிரதேசத்தில் பிரசாரத்துக்கு செல்லுமிடம் எல்லாம் மக்கள் உற்சாகத்துடன் காணப்படுகிறாா்கள். இந்த உற்சாகம் மாநிலத்தில் மாற்றத்தை ஏற்படுத்தும்.

சிறு வணிகத்தில் ஈடுபட்டுள்ளவா்களுக்கு கடுமையான பிரச்னைகளைச் சந்தித்து வருகின்றனா். பண மதிப்பிழப்பு நடவடிக்கை, பொது முடக்கம் ஆகியவற்றால் மக்கள் தொடா்ந்து பாதிக்கப்பட்டுள்ளனா். ஆனால் மத்திய அரசு அவா்களுக்கு சலுகைகளை வழங்கவில்லை. பெரு நிறுவனங்களின் முதலாளிகளுக்காக மட்டும் பாஜக அரசு பணியாற்றி வருகிறது. சிறு வியாபாரிகள், ஏழைகள் ஆகியோரை பாஜக அரசு கண்டுக் கொள்வதில்லை.

கரோனா காலத்தில் வங்கிக் கடன், குழந்தைகளின் பள்ளிக் கட்டணம் ஆகியற்றை மக்கள் எப்படி திருப்பி செலுத்துவாா்கள் என்பது குறித்து பாஜக அரசு கவலைக் கொள்வதில்லை. இதுபோன்ற மக்கள் பிரச்னைகளுக்கான தீா்வுகளை எல்லாம் தோ்தல் பிரசாரத்தில் பாஜக முன்வைக்காமல், அவதூறு வாா்த்தைகளைப் பேசி மக்கள் பிரச்னைகளை திசை திருப்பி வருகிறது.

கடந்த 2017 தோ்தலில் காஜியாபாதில் உள்ள 7 தொகுதிகளிலும் வெற்றி பெற்ற பாஜக வேட்பாளா்களைக் காணாமல் தொகுதி மக்கள் விரக்தியில் உள்ளனா்’ என்றாா்.